1. Нарийн юмны үзүүр ийш тийш босох, сөрдийх, сэрвэгэр болох - дэлгэрэнгүй...Тэгэхэд уртлаг сормуус нь дэлгэгдэх мэт сэрвийж, баруун нүдний нь дээд зовхиноо хүрэн мэнгэ толборон харагдаж билээ. Д.Цэдэв. Айргийн амт., сэрвийн харагдах (сөрдийж, ёрдойж харагдах) - Замын хажуугаар хааяа нэг мод сэрвийн харагдах нь машины гэрэлд нэн ч сүртэй болно. Н.Банзрагч. Зам., сахал нь сэрвийх (сахал нь ийш тийш босох) - Үзүүр нь дээшээ сэрвийсэн сахал, богинохон хөмсөг зэрэг нь идрийн жавхаат нүүрэндээ яв цав зохижээ. Б.Нямаа. Арандалынхан., сэрвийх сэртийх [хоршоо] (эрвийх сэрвийх), эрвийх сэрвийх [хоршоо] (юмны эрвэгэр сэрвэгэр болох, сөрдийх) - Тэртээ уулын орой эрвийн сэрвийн үзэгдэнэ. Д.Нацагдорж. Зохиолууд;
2. [шилжсэн] Өвдсөн хүний бага зэрэг илаарь болох:
сэхэх сэрвийх [хоршоо] (бие сайжрах, илаарьших) -
дэлгэрэнгүй... Овоо сэрвийсэн тул ажилдаа оржээ. Н.Банзрагч. Зам.