СЭНГЭНЭХ  

1. Сэрүүн салхи салхилах: жавар сэнгэнэх (жихүүн хүйтэн уур хайрах) - дэлгэрэнгүй...Оройн жавар сэнгэнэж, Жанчив бүр их даарсан бололтой бүг бүг чичирнэ. П.Хорлоо. Багш., салхи сэнгэнэх (сэрүүн салхи жаварлан үлээх), сэнгэнэж байвч гэр сайхан, сэгсийж байвч ээж сайхан [зүйр цэцэн үг] (өөрийн гэр орон, аав ээж юунаас ч сайхан гэсэн санаа);

---

2. Тааламжтай сайхан үнэр анхилан үнэртэх: сэнгэнэсэн үнэр (хурц тааламжтай үнэр) - дэлгэрэнгүй...Шинэхэн ургасан ногоо нахиалан байгаа модны нахиа найлзуурын анхилуун үнэр сэнгэнэв. Т.Рэнцэн. Шинэ даваа;

---

3. Хамарт хүйтэн сэрүүн оргих шиг болох: сэнгэнэсэн айраг (сэрүү татуулсан, исгэлэн айраг) - дэлгэрэнгүй...Сахлаг ногоон дээр сэнгэнэсэн айраг залгилаад сууцгааж байв. Ж.Пүрэв. Гурван зангилаа., хамар сэнгэнэх (хамарт сэрүү оргих сэрэл мэдэгдэх) - Хашааны хаалган дээр очоод онгойлговоос юуны өмнө хятад архины хурц үнэр хамраар сэнгэнэн цоргилоо. Ж.Дамдин. Үймээний жил;

---

4. [шилжсэн] Хурдан шаламгай явах - Сэнгэнэтэл давхиад хүрэв. И.Дамбажав. Монгол үгийн дээж.

---

• жавар сэнгэнэх - жихүүн хүйтэн уур хайрах
• салхи сэнгэнэх - сэрүүн салхи жаварлан үлээх
• сэнгэнэж байвч гэр сайхан, сэгсийж байвч ээж сайхан - өөрийн гэр орон, аав ээж юунаас ч сайхан гэсэн санаа
• сэнгэнэсэн үнэр - хурц тааламжтай үнэр
• сэнгэнэсэн айраг - сэрүү татуулсан, исгэлэн айраг
• хамар сэнгэнэх - хамарт сэрүү оргих сэрэл мэдэгдэх

Холбогдох зураг одоогоор алга байна.