1. Юманд битүү тааварлан хардах явдал, муу юм тохиолдож болзошгүйг зөгнөх сэрэл -дэлгэрэнгүй... Хамтрал сумынханд хар авхуулж сэжиг төрүүлэх вий. Б.Чойндон. Галбын говьд., атгаг сэжиг (өшөө хорсол өвөрлөсөн далд санаа) - Эгэл будангуй атгаг бүхэн арилбаас сайн. Зуун билиг., хилс сэжиг (гүжир), сэжиг авах (хар төрөх), - Би буруудлаа, түүнийг сэжиг авна гэж санасангүй буу алдсанаас боллоо. С.Удвал. Их хувь заяа., сэжиг авахуулах (хар авхуулах, ямар нэг юмны сэжүүр мэдрүүлэх) - Хэрэв гөлөглөсөн чононд сэжиг авахуулбал бэлтрэгээ зөөчихнө. Б.Бааст. Алтайн хөх дөнөн., сэжиг өгөх (хар төрүүлэх), сэжиг төрүүлэх (сэжиглүүлэх) - Бараа харагдахгүй болон эгшин зуур харанхуйлах нь бас л нэгэн муу сэжиг төрүүлэх шиг ажээ. П.Хорлоо. Багш., сэжиг төрөх (хар төрөх, битүү таавар төрөх) - Би бас энэ бичгийн хэв маягийг хараад тун догь хүн бичиж гэдгийг мэдээд нэг сэжиг төрөөд байгаа юм. П.Хорлоо. Багш., ноцтой сэжиг (онцгой шинжтэй хар);
2. Бузар муухай юмнаас жигших сэтгэл:
сэжиг хүрэх (юмнаас жигших сэтгэл төрөх),
сэжгээр өвдөх сүжгээр эдгэх [зүйр
дэлгэрэнгүй...цэцэн үг] (хүний сэжиглэх, сүсэглэх гэдэг сэтгэл санааных гэсэн санаа);
3. Ажиг таавар:
сэжиг арилах (санаанд байсан ажиг, таавар байхгүй болох),
сэжиг таавар [хоршоо] (ямар нэгэн нөхцөл
дэлгэрэнгүй...байдлаас ургуулан хардах нь) - Сэдэвлэж байгаа сэжиг таавар байна уу? Д.Дожоодорж. Зүүний сүвэгч., сэжиг таамаг [хоршоо] (ямар нэгэн зүйлийн тухай тааварласан бодол) - Цэ гэдэг нэр сэтгэлд нэг л буудаггүй, цаас бичгийн хэлбэр сэжиг таамаг өгдөггүй. Д.Гарамжав. Нэгэн өглөө., сэжиг тэмдэг [хоршоо] (ажиж мэдсэн, таамагласан зүйл), ажиг сэжиг [хоршоо] (а. Ажиглаж сэжиглэсэн бодол; б. Хардаж сэрдэх далд санаа) - Эргэн тойрон ажиг сэжиг байгаа эсэхийг мэдье. Л.Түдэв. Уулын үер., ажиг сэжиггүй (ажиг сэжиг авах юмгүй, хардах сэрдэх юмгүй) - Янаг халзан ажиг сэжиггүй уулын толгой харж хэвэв. Д.Цэдэв. Айргийн амт.
