СУРЛАГА  

Сурсан юм, эрдэм ном сурах нь: сурлага дүгнэх (сурсан зүйлд нь дүгнэлт өгөх) - дэлгэрэнгүй...Хичээлийн жилийн эхний хагасын сурлагыг дүгнэж хурал хийгээд тарав. Ч.Ойдов. “Их жанжин Сүхбатаар танаа”., сурлага сайтай (сурсан юм арвинтай) - Над шиг сурагч хүн тийм ийм сайн сурлагатай гэж хэллээ ч гэсэн үнэндээ тэднийг яаж гүйцэх вэ дээ. С.Удвал. Та бид уулзана., сурлага муутай сурагч (хичээлдээ муу сурагч) - Саран сурлагаар дулимагхан учир өвлийн шалгалтын үеэр Чимэдийг хичээлээ хамт давтъя гэж гуйжээ. С.Эрдэнэ. Хонгорзул., сурлага хүмүүжлийн ажил (эрдэм ном зааж, бие хүн болгон төлөвшүүлэх ажил), сурлагаараа хоцрох (сурсан зүйлээрээ бусдадаа хүрэхгүй байх), сурлагын дэвтэр (авсан дүнг нь бичиж эцэг эхтэй харилцах дэвтэр), сурлагын чанар (сурсан мэдсэн зүйлийн чанар), сурлага боловсрол [хоршоо] (а. Сурч боловсрох явдал; б. Сурч олж авсан мэдлэг, чадвар), сурлага сахилга [хоршоо] (сурсан мэдсэн зүйл болоод төлөвшиж олсон хүмүүжил) - Сурлага сахилгаар сайн хэрнээ олон нийтийн ажилд оролцдоггүй, хар амиа хичээсэн хүүхэд ер нь байдаг. С.Лочин нар. Галтай залуу нас., сурлага хөдөлмөр [хоршоо] (сурах, мэдэх болоод ажиллах байдал) - Ялангуяа сурлага боловсролыг дээш татахад ихээхэн холбогдсон байна. С.Буяннэмэх. Түүвэр зохиол., хичээл сурлага [хоршоо] (а. Сурч мэдсэн хэр хэмжээ; б. Хичээл ном), сурлага хүмүүжил [хоршоо] (сурсан зүйл болоод нийгэмд биеэ авч явах төлөвшил).

• сурлага дүгнэх - сурсан зүйлд нь дүгнэлт өгөх
• сурлага сайтай - сурсан юм арвинтай
• сурлага муутай сурагч - хичээлдээ муу сурагч
• сурлага хүмүүжлийн ажил - эрдэм ном зааж, бие хүн болгон төлөвшүүлэх ажил
• сурлагаараа хоцрох - сурсан зүйлээрээ бусдадаа хүрэхгүй байх
• сурлагын дэвтэр - авсан дүнг нь бичиж эцэг эхтэй харилцах дэвтэр
• сурлагын чанар - сурсан мэдсэн зүйлийн чанар
• сурлага боловсрол - а. Сурч боловсрох явдал; б. Сурч олж авсан мэдлэг, чадвар
• сурлага сахилга - сурсан мэдсэн зүйл болоод төлөвшиж олсон хүмүүжил
• сурлага хөдөлмөр - сурах, мэдэх болоод ажиллах байдал
... үргэлжлүүлэн харах ...
хичээл сурлага - а. Сурч мэдсэн хэр хэмжээ; б. Хичээл ном
сурлага хүмүүжил - сурсан зүйл болоод нийгэмд биеэ авч явах төлөвшил