1. Тэнгисийн цэнгэг усны салбант заламгайтан амьтны лавай доторх бөөрөнхий дун цагаан танан мөхлөг - дэлгэрэнгүй...Есөн эрдэнэ бэлтгэх хэрэгтэй тул алт, мөнгө, шүр, сувд, оюу, номин, зэс, ган, дунгийн үртэс олж зэхлээ. Ж.Дамдин. Үймээний жил., сувд түүх (далайн ёроолоос сувд шүүрдэн гаргаж ирэх), сувд хэлхэх (сувдыг утсанд сүвлэн холбох), мөхлөг сувд (жижиг сувд), хулсан сувд (хулс модонд ургадаг, байдал танын адил, өнгө нь бүдэг), сувд эрэгч (далайн ёроолоос сувд түүгч), сувд тана [хоршоо] (гоёл чимэглэлд хэрэглэх цагаан өнгийн эрдэнэс) - Арван замын гаалийн зүйл, алт мөнгө, торго түргэ, оюу шүр, сувд танын зүйлийг хэдэн зуун бага тэрэг тээж ирээд их харшид уул мэт овоолжээ. В.Инжаннаши. Хөх судар., шүр сувд [хоршоо] (гоёл чимэглэлд хэрэглэх цагаан, улаан өнгөтэй эрдэнийн зүйл) - Шүр сувдаар хийсэн үзэмж гоо хээ чимэгтэй, торгууд эмэгтэйн нүд дүүрэн гоолиг царайг гоёос гоё, сайхнаас сайхан болгодог нь тоорцог. Х.Нямбуу. Хамгийн эрхэм ёсон., эрээд олдоггүй эрдэнэ, сураад олддоггүй сувд [зүйр цэцэн үг] (ховор нандин зүйл гэсэн санаа);
2. Сувдаар чимэглэсэн эд зүйл:
сувдан даруулга (сувдаар чимэглэсэн үсний зүүлт) -
дэлгэрэнгүй...Должин онгомол бор даавуун дээл өмсөж, урт хар гэзгийг ганцаар сүлжин, үзүүрт нь сувдан даруулгыг хийжээ. Д.Цэдэв. Айргийн амт., сувдан хэлхээ (а. Олон сувдыг сүвлэн холбосон нь; б. Хэлхсэн сувд мэт - Ээж минь ч яахав сувдан хэлхээ нулимсаа гялтгануулан ирж тэврэн авав. Т.Рэнцэн. Шинэ даваа), сувдан зүүлт (сувдыг хэлхэн зүүлт болгосон нь), сувдан чимэг (сувдаар хийсэн гоёл, гоёо), сувдан ээмэг (сувдаар чимэглэсэн ээмэг) - Дээлийн торго, алтан бөгж, сувдан ээмэг гэргийдээ авч өгөв. М.Чойжил. Андын нутаг алсдахгүй., *нүхлээгүй сувд (онгон дагшин байдал), *сувдан дусал (нулимсны хүндэтгэл) - Ийм хөөрхөн үрийг юман төдий бодолгүй өнчрүүлж орхих гэж дээ? хэмээн амандаа үглэхэд бүсгүйн нүднээс сувдан дусал аяндаа бөмбөрч уналаа. Ж.Пүрэв. Ундрах инженер., *сувдан хөлс (хурдан морины уяа сойлго тохирох үед гарах цэвэр тунгалаг хөлс), сувдыг уурт хийж нүдэх [зүйр цэцэн үг] (сайн эдийг хэрэглэж чадахгүй эвдэж сүйтгэх гэсэн санаа).
