СӨЛ I  

Намрын улиралд ногооноороо байгаа ургамал, ногоо, ногооны шим: сөл буух (намар өвс хагдрахад шим нь дэлгэрэнгүй...угандаа хурах), сөл буурах (намар болж өвс гандаж эхлэх), сөл буцах (намар болж өвс гандах) - Ногооны сөл буцаж цайгаад сэрүүн цагийн уур амьсгал хэдийнээ ойртжээ. Ч.Лувсанжав. Дамдины бага хүү., сөл тасрах (а. Намрын сүүл болж өвс ногоо хувхайрах - Тал нутагт таанын сөл тасарч байсан цаг сан. Д.Цэдэв. Айргийн амт; б. [шилжсэн] Тамир тасрах), сөл дагах (сөл хөөх), сөл хөөх (намрын улиралд мал өвсний шимтэйг нь эрж идэшлэх), сөл шим [хоршоо] (ургамлын шим шүлт) - Ийм хув хуурай өвсний навч хонгорцгийн хамаг сөл шимийг салхи гүвж хаяна. Б.Бааст. Алтайн хөх дөнөн., *сөлийг нь таслах (ихэд шулан мөлжиж юу үгүй болгох), насны залууд, ногооны сөлтэйд [зүйр цэцэн үг] (чадалтай залуу байх цагт гэсэн санаа).

• сөл буух - намар өвс хагдрахад шим нь угандаа хурах
• сөл буурах - намар болж өвс гандаж эхлэх
• сөл буцах - намар болж өвс гандах
• сөл тасрах - а. Намрын сүүл болж өвс ногоо хувхайрах Тал нутагт таанын сөл тасарч байсан цаг сан. Д.Цэдэв. Айргийн амт б. [шилжсэн] Тамир тасрах
• сөл дагах - сөл хөөх
• сөл хөөх - намрын улиралд мал өвсний шимтэйг нь эрж идэшлэх
• сөл шим - ургамлын шим шүлт
• сөлийг нь таслах - ихэд шулан мөлжиж юу үгүй болгох
• насны залууд, ногооны сөлтэйд - чадалтай залуу байх цагт гэсэн санаа

СӨЛ II