Төрийн болон орон нутгийн эрх барих төлөөлөгчид, бусад хариуцлагатай албан тушаалтныг олны саналаар батлан томилох дэлгэрэнгүй...ажиллагаа - Ардын сонгууль хийж, арван баг, сумын захиргаадыг сонгон байгуулсан гэнэ. С.Дашдэндэв. Улаан наран., сонгуулийн байр (сонгогчдын санал өгөх байр) - Хурал төгсөх ойртож, сонгуулийн байрын чимэглэлийн талаар ярилцаад дууссаны дараа би хуралд ирэгсдэд шинэ эмчээ танилцуулав. П.Лувсанцэрэн. Хөдөөгийн дуун., сонгуулийн тойрог (сонгуулийн зохион байгуулалтын бүрэлдэхүүн хэсэг) - Сонгуулийн тойргийн ухуулах байр болгосон юм. Ч.Лхамсүрэн, Шүлэг., сонгуулийн хуудас (сонгогчид саналаа тэмдэглэх хуудас) - Таяг тулсан буурал өвгөн сонгуулийн хуудас ширтэн зогсоно. Г.Жамьян. Гал атгасан гар., сонгуулийн үнэмлэх (сонгуульд оролцох эрхтэйг баталгаажуулсан баримт бичиг), сонгуулийн хэсэг (төрийн болон орон нутгийн эрх барих төлөөлөгчдийг сонгох ажиллагааг төвлөрүүлж, санал хураалт явуулах, сонгогчдын өгсөн саналыг тоолох зэрэг үйл ажлыг гүйцэтгэх алба), сонгуулийн эрх (төрийн болон орон нутгийн эрх барих төлөөлөгчдийг сонгох ажиллагаанд оролцох, төлөөлөгчөөр сонгогдох талаар иргэдийн эдлэх эрх) - Тэднийх хөрөнгөө хураалгаж, сонгуулийнхаа эрхийг хасуулж бас сургуулиас хүртэл хөөгдөж байна. Ц.Уламбаяр. Зовлон жаргал., сонгуулийн дүн (ямар нэгэн хариуцлагатай албан тушаалтныг томилох олон нийтийн санал асуулгын дүн), сонгуульд оролцох (сонгох эрхээ эдэлж, саналаа өгөх), сонгууль явуулах (сонгуулийн үйл ажиллагааг зохион байгуулах).
- сонгуулийн байр - сонгогчдын санал өгөх байр
- сонгуулийн тойрог - сонгуулийн зохион байгуулалтын бүрэлдэхүүн хэсэг
- сонгуулийн хуудас - сонгогчид саналаа тэмдэглэх хуудас
- сонгуулийн үнэмлэх - сонгуульд оролцох эрхтэйг баталгаажуулсан баримт бичиг
- сонгуулийн хэсэг - төрийн болон орон нутгийн эрх барих төлөөлөгчдийг сонгох ажиллагааг төвлөрүүлж, санал хураалт явуулах, сонгогчдын өгсөн саналыг тоолох зэрэг үйл ажлыг гүйцэтгэх алба
- сонгуулийн эрх - төрийн болон орон нутгийн эрх барих төлөөлөгчдийг сонгох ажиллагаанд оролцох, төлөөлөгчөөр сонгогдох талаар иргэдийн эдлэх эрх
- сонгуулийн дүн - ямар нэгэн хариуцлагатай албан тушаалтныг томилох олон нийтийн санал асуулгын дүн
- сонгуульд оролцох - сонгох эрхээ эдэлж, саналаа өгөх
- сонгууль явуулах - сонгуулийн үйл ажиллагааг зохион байгуулах
