СОГТУУ I
Согттол ууж ухаан балайрсан байдал - Нэлээд согтуу хоёр өвгөний хэл нь тултиран ярих нь олон болжээ. дэлгэрэнгүй... согтуугийн үг (архинд халамцаж хэлсэн хүний үг), шал согтуу (архи сархдыг хэтрүүлэн хэрэглэсэн нь) - Манайхыг хундага архигүй гэж бодоод шал согтуу ирж байна уу. Ч.Лодойдамба. Тунгалаг Тамир., согтуу гарах (архи нь гарч ухаан саруул болох) - Ах нь усанд ороод согтуу гарчихлаа. Ц.Ням-Осор. Юу гэнээ хөө., агсам согтуу [хоршоо] (архи дарс ууж, элдэв зан авир гаргах нь), агсам согтуу тавих (архи дарсанд хөлчүүрч агсамнах) - Өдөр шөнөгүй архи уусан, агсам согтуу тавьсан, хэцүү л амьтан байна шүү. П.Хорлоо. Багш., согтуу хөлчүү [хоршоо] (архи дарс хэрэглэн мансуурсан байдал) - Тэнд шөнө орой болтол архидан наргисан шар цэргийнхэн согтуу хөлчүү байсан тул нөмгөн нүцгэн үймэн бужигнаж сандран тэвджээ. Ц.Уламбаяр. Зовлон жаргал., *согтуу толгой (архичин хүн), согтуу хүн сохор ухаантай [зүйр цэцэн үг] (хүнийг согтуу гэж басаж болохгүй гэсэн санаа), согтуу хүн бодсоноо, сохор хүн сонссоноо [зүйр цэцэн үг] (хүн согтохоороо үнэнээ ярьдаг гэсэн санаа), согтуу хүнд архи бүү үзүүл, сохор үхэрт худаг бүү таниул [зүйр цэцэн үг] (хүний муу давардаг гэсэн санаа).
- согтуугийн үг - архинд халамцаж хэлсэн хүний үг
- шал согтуу - архи сархдыг хэтрүүлэн хэрэглэсэн нь
- согтуу гарах - архи нь гарч ухаан саруул болох
- агсам согтуу - архи дарс ууж, элдэв зан авир гаргах нь
- агсам согтуу тавих - архи дарсанд хөлчүүрч агсамнах
- согтуу хөлчүү - архи дарс хэрэглэн мансуурсан байдал
- согтуу толгой - архичин хүн
- согтуу хүн сохор ухаантай - хүнийг согтуу гэж басаж болохгүй гэсэн санаа
- согтуу хүн бодсоноо, сохор хүн сонссоноо - хүн согтохоороо үнэнээ ярьдаг гэсэн санаа
- согтуу хүнд архи бүү үзүүл, сохор үхэрт худаг бүү таниул - хүний муу давардаг гэсэн санаа
