САНДРАХ I
Яарч тэвдэх, айж цочсоноос бие сэтгэл тавгүйрхэх - Эзгүй хойгуур өвдөж сандрах бий дээ. дэлгэрэнгүй... сандран самуурах (сандарч тэвдэн учраа олохоо болих), мэгдэн сандрах (барьж тавьснаа олохгүй будилан тэвдэх) - Тэгвэл задлаад орхи гэхэд Батсүх мэгдэн сандарч боодлыг задлав. Л.Түдэв. Уулын үер., яарч сандрах (зорьсон зүйлийг бушуухан дуусгахыг хэт эрмэлзэн хуудуутай үйлдэх) - Зарим хүүхнүүд яарч сандраад ч юм уу, яагаад юм ноосоо хам хумхан ялгасан болов. “Цог” сэтгүүл., сандрах тэвдэх [хоршоо] (а. Айж цочсоноос учраа олохгүй байх; б. Ажил үйлийг хийхэд туршлагагүйн улмаас балмагдан мэгдэх) - Туршлагагүй хүүхэд сандарч тэвдээд бүүр баллаад хаячих байлгүй. Л.Дашням. Бурхантын цэцэг., айх сандрах [хоршоо] (айдас хүрсний улмаас бачимдан яарах) - Аль дуртай юмыг над өгье гэхэд нь айж сандраад би юу ч авч чадсангүй. Ц.Дамдинсүрэн. Түүвэр зохиол., сандарсан үед самбаатай болно [зүйр цэцэн үг] (аюул тулгарсан үед ямар ч хүн ухаан сийлдэг гэсэн санаа), сандарсан нохой хэрэм харайна [зүйр цэцэн үг] (хүн сандарвал юу ч хийж мэднэ гэсэн санаа).
- сандран самуурах - сандарч тэвдэн учраа олохоо болих
- мэгдэн сандрах - барьж тавьснаа олохгүй будилан тэвдэх
- яарч сандрах - зорьсон зүйлийг бушуухан дуусгахыг хэт эрмэлзэн хуудуутай үйлдэх
- сандрах тэвдэх - а. Айж цочсоноос учраа олохгүй байх; б. Ажил үйлийг хийхэд туршлагагүйн улмаас балмагдан мэгдэх
- айх сандрах - айдас хүрсний улмаас бачимдан яарах
- сандарсан үед самбаатай болно - аюул тулгарсан үед ямар ч хүн ухаан сийлдэг гэсэн санаа
- сандарсан нохой хэрэм харайна - хүн сандарвал юу ч хийж мэднэ гэсэн санаа
