Жороо морины явдалтай адил боловч хурд багатай, алгуур явдал - дэлгэрэнгүй...Сайвар морь, жороо морийг хослуулан эдэлнэ. Д.Нацагдорж. Зохиолууд., сайвар алхаа (урд хоёр хөлний мөрнөөс хойд хоёр хөлний мөр нь бараг төө сөөм давж гишгэх хурдан алхаа) - Хул мориныхоо сайвар алхаанд жолоо тааруулан эмээл дээрээ хазайсхийн суужээ. Д.Гарамжав. Нэгэн өглөө., сайвар морь (жороо морьтой адилавтар алхаа гишгээтэй боловч арай удаан явдалтай морь) - Сайхан сайвар буурал морьтой эмэгтэй хүн амар мэндийг нь мэдлээ. Ч.Лодойдамба. Тунгалаг Тамир., сайвар орох (морины явдал хурдсаж, жороо маягтай болох), сайвар моринд газар ойр, сайн хүнд нөхөр ойр [зүйр цэцэн үг] (сайн хүнтэй хүн бүхэн нөхөрлөх дуртай байдаг гэсэн санаа).
Ижил үг