САГАЛДАРГА  

1. Хүн, амьтны толгойд өмсгөж углах зүйлийг унагахгүй тогтооход зориулсан, эрүүн доогуур хөндлөн оруулж торгох уяа - дэлгэрэнгүй...Тоорцог нь салхинд хийсчих дөхсөнд сагалдаргыг нь сойгоод дөрөөн дээрээ хагас босно. Л.Түдэв. Алтан гадас чигийг заана., суран сагалдарга (тухайн зүйлийг тогтоох сураар хийсэн уяа), торгон сагалдарга (торгоор хийсэн тогтоох уяа) - Найман давхар торгон сагалдарга нь чигчийд нь шигдээд одов. Жангар., малгайн сагалдарга (малгайг эрүүвчл‎эн уяж тогтоох оосор) - Малгайн сагалдарга тасарч төө тэнд үсрэхэд зуудаг халтар шүүрч аваад тасчин хаяв. Л.Түдэв. Нүүдэл., хазаарын сагалдарга (морины эрүүн доогуур оруулж хазаарын зүүн шанааны дунд хэсэгт уях зориулалт бүхий хазаарын баруун шанааны дунд хэсэгт бэхэлсэн оосор), сагалдарга хадах (малгай, хазаар зэргийг тогтоох бүч хийх), сагалдарга бүч [хоршоо] (малгай, ногт, хазаар зэрэгт хийсэн эрүүн доогуур оруулж торгох уяа, оосор) - Өрөөтэй тахил татан унагаж, сагалдарга бүчийг нь тайлж… Монголын Маньбадарын хууч;

---

2. Нарийн урт зүйлд дугуйруулан гогцоолж уясан зүйл, сэгэлдрэг: унины сагалдарга (унийг ханатай бэхлэхэд зориулсан сүүл талд нь байх дэлгэрэнгүй...гогцоо уяа) - Тэрэг чарганаас өгсүүлээд унины сагалдарга хүртэл юу эс байх вэ? дээ. С.Удвал. Их хувь заяа., ташуурын сагалдарга (ташуурын дээд талд барихад зориулан хийсэн дугуй гогцоо) - Тэнзэн ташуурын сагалдаргыг бугуйндаа угласан торгон дээлтэй бүсгүйчүүл ч зөрж өнгөрөх ажээ. Д.Цэдэв. Айргийн амт.

---

• суран сагалдарга - тухайн зүйлийг тогтоох сураар хийсэн уяа
• торгон сагалдарга - торгоор хийсэн тогтоох уяа
• малгайн сагалдарга - малгайг эрүүвчлэн уяж тогтоох оосор
• хазаарын сагалдарга - морины эрүүн доогуур оруулж хазаарын зүүн шанааны дунд хэсэгт уях зориулалт бүхий хазаарын баруун шанааны дунд хэсэгт бэхэлсэн оосор
• сагалдарга хадах - малгай, хазаар зэргийг тогтоох бүч хийх
• сагалдарга бүч - малгай, ногт, хазаар зэрэгт хийсэн эрүүн доогуур оруулж торгох уяа, оосор
• унины сагалдарга - унийг ханатай бэхлэхэд зориулсан сүүл талд нь байх гогцоо уяа
• ташуурын сагалдарга - ташуурын дээд талд барихад зориулан хийсэн дугуй гогцоо

Холбогдох зураг одоогоор алга байна.