ӨТЛӨХ I
1. Хүн, амьтны хөгшрөх, насжих - Сувд хүүхэн ч насан өтлөх цагийн саалтад авгай нэрийг олжээ. дэлгэрэнгүй... насан өтлөх (хөгшрөх), өтөлж хөгшрөх (нас ахих, настай болох), өтлөх зөнөх [хоршоо] (нас ахиж ухаан муудах), өтөлтлөө ухаан суудаггүй, буцалтлаа шөл гардаггүй [зүйр цэцэн үг] (хөгшрөхөөсөө өмнө ухааждаггүй гэсэн санаа), өшихийн түрүү улаан халзан, өтлөхийн түрүү цагаан буурал [зүйр цэцэн үг] (урьтал шинж тэмдэг илрэх гэсэн санаа), өндрийн эцэст нурдаг, өтөлсний эцэст үхдэг [зүйр цэцэн үг] (үхэж, эвдрэх нь зайлшгүй гэсэн санаа), өлсөөд идсэн хоол амттай, өтлөөд авсан эхнэр амраг [зүйр цэцэн үг] (хүн зовоогүй байхдаа жаргалыг мэдэрдэггүй гэсэн санаа);
2. Ногоо, жимс зэргийн ургац хэтэрч хөгшрөх - Сонгино өтлөөд хатуурчээ. И.Дамбажав. Монгол үгийн дээж;
3. Мод, ургамлын өмхөрч хөгшрөх: өтөлсөн мод (он жил удсан, муудаж ялзарсан мод);
4. [шилжсэн] Хөгширсөн мэт харагдах: залуугаараа өтлөх (наснаасаа илүү хөгшин харагдах).
- насан өтлөх - хөгшрөх
- өтөлж хөгшрөх - нас ахих, настай болох
- өтлөх зөнөх - нас ахиж ухаан муудах
- өтөлтлөө ухаан суудаггүй, буцалтлаа шөл гардаггүй - хөгшрөхөөсөө өмнө ухааждаггүй гэсэн санаа
- өшихийн түрүү улаан халзан, өтлөхийн түрүү цагаан буурал - урьтал шинж тэмдэг илрэх гэсэн санаа
- өндрийн эцэст нурдаг, өтөлсний эцэст үхдэг - үхэж, эвдрэх нь зайлшгүй гэсэн санаа
- өлсөөд идсэн хоол амттай, өтлөөд авсан эхнэр амраг - хүн зовоогүй байхдаа жаргалыг мэдэрдэггүй гэсэн санаа
- өтөлсөн мод - он жил удсан, муудаж ялзарсан мод
- залуугаараа өтлөх - наснаасаа илүү хөгшин харагдах
ӨТЛӨХ II
Холбогдох зураг одоогоор алга байна.
