ӨРГӨС I  

1. Мод, ургамал зэрэгт байх зүү шиг шовх үзүүртэй шивээ - дэлгэрэнгүй...Өргөс бургас элбэг олдвоос өлгөр тэмээнд баяр тэр, зовлон зүдүүр эдлэх аваас янаг хүмүүст жаргал тэр гэсэн сургаал байдаг. В.Шарма. Таван сургамж., зарааны өргөс (зарааны биеийг бүрхсэн зүү мэт нарийхан шивээ), харганын өргөс (харганад байх зүү мэт жижиг шор) - Харгана намайг өргөсөөрөө хатгаад суулгахгүй байна. Монгол ардын үлгэр., өргөс зангуу [хоршоо] (а. Зарим ургамалд байдаг зүү шиг шовх үзүүртэй бяцхан хэсэг; б. [шилжсэн] Сэтгэлд сэв суулгах муу үг) - Нутгийн хүний өөдрөг цагаан санаанд өргөс зангуу хийх явдал байдгийг алийг тэр гэх вэ? Д.Маам. Тэмээний дууль., өнгө нь наана нь, өргөс нь цаана нь [зүйр цэцэн үг] (үнэн санаагаа нуун далдалж хуурамч зан гаргах);

---

2. Гар хөл болон биеийн аль нэг хэсэгт шааж орсон мод, ургамлын өчүүхэн сэлтэс: холтосны өргөс (холтосны өчүүхэн цуулдас, хэтэрхий), дэлгэрэнгүй...гартаа өргөс оруулах (гарт юмны жижиг хэлтэрхий шааж орох), өргөс авах (тухайн зүйлд шааж орсон жижиг хэлтсийг нь авах), өргөс сугалах (жижиг хэлтэрхийг сугалж авах) - Өө байвал өөлөн хайрла! Өргөс байвал сугалж хайрла! Р.Жагварал. Хүндэтгэлийн үг;

---

3. [шилжсэн] Хүнийг дайруулж хатгасан ёж үг.

---

• зарааны өргөс - зарааны биеийг бүрхсэн зүү мэт нарийхан шивээ
• харганын өргөс - харганад байх зүү мэт жижиг шор
• өргөс зангуу - а. Зарим ургамалд байдаг зүү шиг шовх үзүүртэй бяцхан хэсэг; б. [шилжсэн] Сэтгэлд сэв суулгах муу үг
• өнгө нь наана нь, өргөс нь цаана нь - үнэн санаагаа нуун далдалж хуурамч зан гаргах
• холтосны өргөс - холтосны өчүүхэн цуулдас, хэтэрхий
• гартаа өргөс оруулах - гарт юмны жижиг хэлтэрхий шааж орох
• өргөс авах - тухайн зүйлд шааж орсон жижиг хэлтсийг нь авах
• өргөс сугалах - жижиг хэлтэрхийг сугалж авах

---

Ижил үг

ӨРГӨС II

ӨРГӨС III

Холбогдох зураг одоогоор алга байна.