ӨЛМИЙ I  

1. Хөлийн тавхайн урд хэсэг: өлмий дээрээ зогсох (хөлийн тавхайн урд хэсэг дээрээ зогсох) - дэлгэрэнгүй...Тэр жаал... өлмий дээрээ зогсоод гуйлгачны амны уншлага дуржигнуулж байв. Д.Маам. Тэмээний дууль., өсгий өлмий [хоршоо] (хөлийн тавхай юм уу гутал шаахайн улны урд болоод хойд хэсэг);

---

2. Гутал шаахай, оймс зэргийн улны урд хэсэг: гутлын өлмий (гутлын улны урд хэсэг) - дэлгэрэнгүй...Дарьсүрэн тэсэлгүй хоёр том нулимс унгасны нэг нь Самбуугийн гутлын өлмий хоншоор дээр туссан. Ж.Дамдин. Үймээний жил;

---

3. Хөлийн хүндэтгэл: өлмий бат (эрүүл энх), өлмий бат орших (насан хутаг орших, эрүүл энх байх) - дэлгэрэнгүй...Өндөр дээдэс минь... өлмий бат морилж явна уу? С.Дашдооров. Өнчин цагаан ботго; өлмий батдах (амьдрал ахуй нь тэгширч, амар төвшин суух), *өлмий дороо хийх (дийлэх, эрхэндээ оруулах) - Өшөөтөн дайсан бүгдийг өлмий дороо гишгэсэн өндөр дээд эзэн хаан минь... Монголын нууц товчоо., *өлмийд багтах (хайр ивээлд нь орох) - Өлмийд нь багтсанаас ноён минь үүрд шадарлаж маныг жаргуулах болтугай. Д.Нацагдорж. Их авхай.

---

• өлмий дээрээ зогсох - хөлийн тавхайн урд хэсэг дээрээ зогсох
• өсгий өлмий - хөлийн тавхай юм уу гутал шаахайн улны урд болоод хойд хэсэг
• гутлын өлмий - гутлын улны урд хэсэг
• өлмий бат - эрүүл энх
• өлмий бат орших - насан хутаг орших, эрүүл энх байх
• өлмий батдах - амьдрал ахуй нь тэгширч, амар төвшин суух
• өлмий дороо хийх - дийлэх, эрхэндээ оруулах
• өлмийд багтах - хайр ивээлд нь орох

---

Ижил үг

ӨЛМИЙ II

Холбогдох зураг одоогоор алга байна.