1. Тоо хэмжээг багцаалан заах төлөөний үг, энэ зэргийн, ийм хэмжээний: өдий зэрэг (энэ зэрэг) - дэлгэрэнгүй...Тусгаар улс болон өдий зэрэгтэй яваад нь өчүүхэн би хязгааргүй баярлаж... С.Удвал. Их хувь заяа., өдий чинээ (барагцаалж буй зүйлийн хэмжээтэй ойролцоо), өдий чинээ урт (харьцуулж буй зүйлтэй ойролцоо хэмжээ бүхий) - Манайд өдий чинээ их алт, мөнгө өгсөн атлаа түүнийг яахан хорлож болно. Хүйтэн уулын бичиг., өдий чинээ сурах (энэ зэргийн сурах) - Гөрөөнд сая гарч байгаа залуу харцага мэт хөвүүд сая дайнд явж өдий чинээ сурч байхад... Монголын нууц товчоо., өдий чинээ том (барагцаалан хэлж, дүрсэлж буй зүйлтэй хэмжээний хувьд ойролцоо), өдий олон (ийм олон жил) - Өдий олон жил үг хэлээ мэдэлцэж амьдарчхаад нас өтөлсөн хойноо таарахаа байх нь шив. Ц.Ням-Осор. Юу гэнээ хөө., өдий хол (их хол), өдий улс (энэ хэрийн улс) - Жамухаас өдий улс иргэн салж... Ононы шугуйд нийлж хуримлав. Монголын нууц товчоо., өдий хилэнц (хийсэн муу үйлийн хэмжээ) - Өөрийг гэж явсаар өдий хилэнцийг хураав. Д.Равжаа. Зохиолын эмхэтгэл., өдий төдий [хоршоо] (ямар нэгэн зүйл тоо хэмжээний хувьд тодорхой бус боловч их олон) - Өдий төдий цэргээ дуудаж байлдмуй за хэмээгээд эвдрэлцэж гарч ир. В.Инжаннаши. Хөх судар;
2. Энэ цаг үе, энэ хэр, эдүгээ:
өдий болтол (энэ цаг үе хүртэл),
өдий хүрэх (эдүгээ болох) -
дэлгэрэнгүй...Удам судраараа зарагдсаар өдий хүрлээ. С.Удвал. Их хувь заяа., өдий үед чинь (энэ үед) - Намрын тарган хонинд... задгай хэвтэр өдий үед тун тохиромжтой байдаг бололтой. Б.Бааст. Алтайн хөх дөнөн., нөгөөдөр өдийд (нөгөөдрийн энэ цаг мөчид) - Өнгөрч байгаа энэ он ноднин өдийд ирээгүй байлаа. Д.Пүрэвдорж. Нар тойрсон зам.
Ижил үг
