1. Үлдээх, хоцроох: гэртээ орхих (биедээ авч явалгүй гэртээ үлдээх),дэлгэрэнгүй... хүүхдүүдээ гэрт нь орхих (хүүхдүүдээ гэрт нь үлдээх), тэмээгээ орхих (тэмээгээ тухайн газартаа үлдээх) - Чи тэмээгээ орхи! Миний морийг уна, би явган гэлдэрье гэлээ. С.Удвал. Их хувь заяа., асуудлыг шийдэлгүй орхих (асуудлыг шийдвэрлэлгүй үлдээх), хаалгаа онгорхой орхих (хаалгаа түгжиж, хаалгүй үлдээх), нэр орхих (нэрийг мартан үлдээх), уншихдаа үг харалгүй орхих (үг алгасан унших), ардаа хол орхих (бараа сураггүй тасран явчихах, хол хоцорчихох), хэлэлгүй орхих (хэлэлгүй үлдээчихэх), ойр суувал шахав гэнэ, хол явбал орхив гэнэ [зүйр цэцэн үг] (зан ааш хувирамтгай, яах нь мэдэгдэхгүй байх);
2. Хаях, гээх:
сандал дээрээ орхих (сууж байсан газраа ямар нэг зүйлээ мартах),
түрийвчээ орхих (түрийвчээ гээх),
дэлгэрэнгүй...номоо орхих (номоо хаа нэг газар мартаж хаях);
3. Салах, огоорох, харж хамаарахгүй болох:
анхааралгүй орхих (харж хандахгүй байх),
тамхиа орхих (тамхи татахаа
дэлгэрэнгүй...болих), хүүхдээ орхих (хүүхдээ харж хамгаалахгүй зөнд нь хаях), зангаа орхих (тухайн зангаасаа салах) - Чи бүхэнд атаархаж байдаг наад зангаа орхих хэрэгтэй шүү. С.Лочин. Сэтгэлийн өнгө., дураар нь орхих~зөнд нь орхих (харж хандахгүй гаргуунд нь гаргах), хайхралгүй орхих (хайхрахгүй байх);
4. Хийх:
цайнд идээ орхих (цайнд идээ хийх),
шар тос орхих (шар тос хийх) -
дэлгэрэнгүй...Аяга халуун цайнд шар тос орхиж уугаад бие амар хөлөө жийж хэвтэх минь. Л.Түдэв. Нүүдэл суудал., шөлөнд будаа орхих (шөлөнд будаа хийх);
5. Гартаа барин сэгсэрч хаях, унагах:
бөх орхих (барилдсан бөхөө унагах) -
дэлгэрэнгүй...Наймын даваанд аваргыг орхиж, Жунай заан түрүүлэв. Ж.Дамдин. Монгол бөх., шагай орхих (шагай тоглохоор хаях), шавга орхих (ээлж хувиар хэнд ногдохыг шавга модонд бичээд сугалуулах), шоо орхих (шоог сэгсэрч хаях);
6. Лам хүний орхимжоо нөмрөх:
орхимж орхих (орхимжоо нөмрөх);
7. Хээл хаях:
төл орхих (хээл хаях);
8. Нэгмөсөн, бүрмөсөн үйлдэх утгатай туслах үйл үг:
бичиж орхих (бичсэн байх),
хэлээд орхих (хэлчихэх) -
дэлгэрэнгүй...Тэр охиныхоо тухай тодорхойхон хэлээд орхи гэж шамдангуй өгүүлэв. Б.Чойндон. Галбын говьд., алгадаж орхих (алгадчихаг), асгаж орхих (асгачхах), залгиж орхих (залгичхах), мартаж орхих (мартчихах).