1. Оёх үйлийн нэр: оёдлын машин (оёх үйл хийдэг машин) - дэлгэрэнгүй...Амгалангийн бас нэг анхаардаг зүйл оёдлын машин юм. Г.Жамьян. Гал атгасан гар., оёдлын үйлдвэр (оёх ажил эрхэлдэг үйлдвэр), оёдол үйл [хоршоо] (оёх үйл) - Ёстой л үйл оёдол сурдаг насдаа гэснээ савхин цамцны нэг жижигхэн хэсгийг оёж үзүүлэв. Г.Жамьян. Гал атгасан гар., оёдолгүй эм утасны бармал, уншлагагүй лам олбогны бармал [зүйр цэцэн үг] (ажил хэргийг бүтээж чадахгүй хүн эд хөрөнгөний гарз болох гэсэн санаа);
2. Юмны оёсон газар, оёо, оёос:
оёдлоороо ханзрах (оёсон хэсгээрээ салах, урагдах) -
дэлгэрэнгүй...Зүйж оёулсан оёдол зүйдэл нь… сайхан болжээ. Ж.Пүрэв. Гурван зангилаа., оёдол нийлүүлэх (торго, бөсний хоёр хэсгийг нэг газарт хавсран оёх, шаглах), оёдол хөврөх (утас зэрэг нь оёосоороо хөврөн урагдах), оёдол танах (дээл хувцас зэргийг оёдлоор нь хасаж багасгах), оёдлыг нь индүүдэх (оёостой хэсгийг нь индүүдэх), нарийн оёдол (ур чадвар ихээхэн шаардагдах чимхлүүр оёо) - Амгалан сайн багшийнхаа ачаар савхин эдлэлийн нарийн оёдол сурсаар л байлаа. Г.Жамьян. Гал атгасан гар., оёдол зүйдэл [хоршоо] (нийлүүлж оёсон байдал, оёсон хэсэг), *тэнгэрийн оёдол (тэнгэрт цайран үзэгдэх олон од хурсан зурвас) - Тэнгэрийн оёдол гэгддэг хэдэн живаа оддын хүрээлэн орчин цагийн тийрэлтэт онгоцны явсан мөр адил сүүн зам татуулан байв. С.Лочин. Газрын дуун., оёдол оёж чадахгүй байгаад, олс элэглэх дуртай [зүйр цэцэн үг] (өөрөө чадахгүй атлаа бусдыг шоолох) - Шагдар уурлаж “Олгой царайтай байгаад оо энгэсэгт дуртай, оёдол оёж чадахгүй байгаад олсыг элэглэх дуртай” гэжээ. Т.Өргөн. Шагдар солиот.