ОВТОЙ  

Ов мэх, авхаалж самбаа ихтэй: овтой сэргэлэн хүн (нөхцөл байдлыг зөв ухан ойлгож, тухайн байдлаас дэлгэрэнгүй...түргэн гарч чадах ухаалаг, сэргэлэн хүн) - Алт олборлох хэргийг овтой сэргэлэн хүнээр эрхлүүлэхгүй бол би өөрөө чадахгүй шүү. Ж.Пүрэв. Гурван зангилаа., овтой овсгоотой [хоршоо] (арга заль ихтэй), овтой самбаатай [хоршоо] (байдлыг ашигтайгаар эргүүлэх гүйлгээ ухаан, авхаалжтай), овтой чадалтай [хоршоо] (арга заль, мөнгө төгрөг ихтэй) - Овтой чадалтай нэг нь минж, элбэнх шилүүс зэрэг үнэт ангийн үсийг худалдаалдаг байжээ. Б.Нямаа. Арандалынхан., орон байртай нь олзвор их, овтой зальтай нь хонжвор их [зүйр цэцэн үг] (арга заль, самбаатай хүн хожих гэсэн санаа).

• овтой сэргэлэн хүн - нөхцөл байдлыг зөв ухан ойлгож, тухайн байдлаас түргэн гарч чадах ухаалаг, сэргэлэн хүн
• овтой овсгоотой - арга заль ихтэй
• овтой самбаатай - байдлыг ашигтайгаар эргүүлэх гүйлгээ ухаан, авхаалжтай
• овтой чадалтай - арга заль, мөнгө төгрөг ихтэй
• орон байртай нь олзвор их, овтой зальтай нь хонжвор их - арга заль, самбаатай хүн хожих гэсэн санаа