1. Бодисуудын эгэл хэсгүүдийн хамтран нийлэх нь: нэгдэл сайтай (өөр хоорондоо нэгдэн нийлэх шинж дэлгэрэнгүй...чанар илүү) - Нүүрстөрөгч байгаль дээр дан ба нэгдлийн байдлаар тохиолдоно. “Шинжлэх ухаан, амьдрал” сэтгүүл;
2. Хүмүүсийн харилцааны найрсаг байдал:
нам ард түмний нэгдэл (санаа бодол нийлсэн хэсэг хүмүүс болон олон нийтийн харилцааны
дэлгэрэнгүй...найрсаг, дулаан уур амьсгал), үзэл санааны нэгдэл (санаа бодол нийлж буй нь), эв нэгдэл [хоршоо] (эв найртай, найрсаг, нөхөрсөг байдал), эв нэгдлээ хадгалах (найрсаг харилцаагаа хэвээр үргэлжлүүлэх), нэгдэл нягтрал [хоршоо] (а. Нягт шигүү, зай багатай; б. Ихэд ойр дотно, эв найртай) - Нэгдэл нягтрал нь ардын цэрэг ба хуучин армийн ялгааг үзүүлж, ардын армийн хүчин чадлыг харуулж байлаа. Д.Гонгор нар. Д.Сүхбаатарын тухай дурдатгалууд;
3. [хуучирсан] Үйлдвэрлэлийн хэрэгслэл, хувийн өмчөө нийгэмчилж, хөдөлмөрөө хоршсон хоршоолол -
дэлгэрэнгүй...Аймаг шиг бүхэл бүтэн дөч гаруй мянган хүн амтай хорь гаруй нэгдэлтэй том гэр бүлийн дэргэд чиний энэ нэгдэл шалихгүй бага шүү. Л.Түдэв. Нүүдэл., нэгдлээс гарах (хамтын хоршоололд ажиллахаасаа татгалзах) - Өнөөх Дамбий чинь хэдэн хониндоо хар буугаад байж тэсэж чадалгүй нэгдлээс гарсан гэнэ шүү. Л.Түдэв. Уулын үер., нэгдлийн гишүүн (үйлдвэрлэлийн хэрэгслийг нийгэмчилж хөдөлмөрөө хоршсон хоршоололд элссэн хүн) - Тэгэхээр нэгдлийн гишүүн нэр зүүгээд урьдын янзаараа уралцаж явдаг болов. С.Эрдэнэ. Малын хөлийн тоос., нэгдлийн үлгэрчилсэн дүрэм (хоршооллын санхүү, аж ахуй, зохион байгуулалтын үйл ажиллагааны үндсэн зарчмыг илэрхийлсэн дүрэм), нэгдлийн хөдөлмөр зохион байгуулалт (хоршооллын ажиллах хүчийг үйлдвэрлэлийн салбарт зохистойгоор хуваарилан оролцуулах зохион байгуулалтын явц), нэгдэл холбоо [хоршоо] (хөдөлмөрөө хоршсон хоршоолол болон олон нийтийн байгууллага), эвлэл нэгдэл [хоршоо] (хөдөлмөрөө хоршсон хоршоолол болон санаа зорилго нийлсэн хүмүүсийн байгуулсан байгууллага).