НӨМРӨХ  

1. Хучих: дээлээ нөмрөх (а. Дээлээ хучлага болгон х‎эрэгл‎эх; б. Дээлээ ар мөрөндөө хэдрэх; дэлгэрэнгүй...в. [шилжсэн] Шоронд орох), өрөөлдөн нөмрөх (дээл, хувцасны захыг хажуу тийш харуулан хучих) - Агтчины майхны нэг буланд өөр өөрийн дээлийг өрөөлдөн нөмөрч, Төмөр, Дулмаа хоёр зэрэгцэн хэвтлээ. Ч.Лодойдамба. Тунгалаг Тамир., өнгөрсөн борооны хойноос цув нөмрөх [зүйр цэцэн үг] (ямар нэг үйл явдлыг болоод өнгөрсөн хойно нь санах, хийх гэсэн санаа), бузар аргаар олсон булга нөмөрч явснаас, ариун хөлсөөрөө олсон адасга нөмөрч явсан нь дээр [зүйр цэцэн үг] (үнэнч шударгаар амьдрах хэрэгтэй гэсэн санаа);

---

2. Дээл, дах зэргийг ар нуруун дээрээ хэдрэх: дах нөмрөх (дахыг ар нуруун дээрээ тохох);

---

3. [шилжсэн] Нэлэнхийд нь бүрхэх: үерийн ус нөмрөх (үерийн ус халин орж ирэх), үдшийн бүрэнхий нөмрөх (харанхуй дэлгэрэнгүй...болох) - Үдшийн бүрэнхий нөмөрч, үүрийн гэгээ цайрч... байв. С.Дашдэндэв. Миний ард түмэн., аюул нөмрөх (зовлон бэрхшээл тохиолдох) - Аюул нөмөрсөн шөнө дундын өмнөхөн юмсан. Ч.Лхамсүрэн. Хурандаа;

---

4. [шилжсэн] Хэрэг явдлыг биедээ хүлээх: муу нэр нөмрөх (хэрэг явдлын бурууг өөртөө тохож, олонд нэргүй болох).

---

• дээлээ нөмрөх - а. Дээлээ хучлага болгон хэрэглэх; б. Дээлээ ар мөрөндөө хэдрэх в. [шилжсэн] Шоронд орох
• өрөөлдөн нөмрөх - дээл, хувцасны захыг хажуу тийш харуулан хучих
• өнгөрсөн борооны хойноос цув нөмрөх - ямар нэг үйл явдлыг болоод өнгөрсөн хойно нь санах, хийх гэсэн санаа
• бузар аргаар олсон булга нөмөрч явснаас ариун хөлсөөрөө олсон адасга нөмөрч явсан нь дээр - үнэнч шударгаар амьдрах хэрэгтэй гэсэн санаа
• дах нөмрөх - дахыг ар нуруун дээрээ тохох
• үерийн ус нөмрөх - үерийн ус халин орж ирэх
• үдшийн бүрэнхий нөмрөх - харанхуй болох
• аюул нөмрөх - зовлон бэрхшээл тохиолдох
• муу нэр нөмрөх - хэрэг явдлын бурууг өөртөө тохож, олонд нэргүй болох

Холбогдох зураг одоогоор алга байна.