НАЙГАХ  

1. Мод, ургамал салхины аясаар ганхах, ийш тийш хөдлөн хийс‎эх - дэлгэрэнгүй...Найган найгах улиралд нь бид бас найгана. Д.Нацагдорж. Намар., халиуран найгах (өвс, ургамлын халиуран хийс‎эх), өвсний орой найгах (өвс салхины аясаар ганхан хөдлөх), найгах навч цэцгийг намрын хяруу хиртээдэг, нарийн ухаан билгийг уурын мунхаг эвддэг [зүйр цэцэн үг] (ууртай үед хүнээс ухаантай үг гардаггүй гэсэн санаа), үртэй хүн шуугидаг, үндэстэй мод найгадаг [зүйр цэцэн үг] (хүүхэдтэй айл дуу шуу, баяр баясгалантай байдаг г‎эсэн санаа);

---

2. Хүн, амьтны биеэ хоёр тийш займчин явах - Тэгэхээр нь мориноосоо үсрэн бууж сул орхиод найгаж алхав. С.Эрдэнэ. Зүүдний цагаан унага., найган дуулах (биеэ хоёр тийшээ займчин хөдөлгөж дуулах), нарийн өвсөнд найгаж, бүдүүн өвсөнд бүдрэх [зүйр цэцэн үг] (тамир тэнхээ муу, турьхан зүйл гэсэн санаа);

---

3. [шилжс‎эн] Ядарч нозоорсноос хөлөө чирч удаан явах.

---

• халиуран найгах - өвс, ургамлын халиуран хийсэх
• өвсний орой найгах - өвс салхины аясаар ганхан хөдлөх
• найгах навч цэцгийг намрын хяруу хиртээдэг, нарийн ухаан билгийг уурын мунхаг эвддэг - ууртай үед хүнээс ухаантай үг гардаггүй гэсэн санаа
• үртэй хүн шуугьдаг үндэстэй мод найгадаг - хүүхэдтэй айл дуу шуу, баяр баясгалантай байдаг гэсэн санаа
• найган дуулах - биеэ хоёр тийшээ займчин хөдөлгөж дуулах
• нарийн өвсөнд найгаж бүдүүн өвсөнд бүдрэх - тамир тэнхээ муу, турьхан зүйл гэсэн санаа

Холбогдох зураг одоогоор алга байна.