МЭДҮҮЛЭХ  

1. Хэрэг явдал, асуудлын тухай өөрийн санал бодлоо албан ёсоор хэлж мэдэгдэх: айлтган мэдүүлэх дэлгэрэнгүй...(айлтган мэдэгдэх), илтгэн мэдүүлэх (зохих газар албан ёсоор илтгэх), заалдан мэдүүлэх (заргалдан мэдэгдэх) - Хошуу тамгын газар заалдан мэдүүлж тэр хоёр ядуу ард зайлтугай. Ц.Уламбаяр. Зовлон жаргал., чуулганд мэдүүлэх (чуулганд мэдэгдэх) - Го түшмэлийг аймгийн чуулганд мэдүүлж, түүний залан зангийн тушаалыг эвдүүлсэн удаатай. С.Дашдэндэв. Улаан наран., чөлөө мэдүүлэх (чөлөө хүсэх), давах мэдүүлэх [хоршоо] (шийдвэрийг үл дагаж дээш заргалдах);

---

2. Мэдэх болгох: *амыг нь мэдүүлэх (эмнэг адуу малыг эдэлгээнд сургах) - дэлгэрэнгүй...Энэ бол хэдэн өдрийн өмнө Хонгор унаж амыг нь мэдүүлж өгсөн бор даагыг унаад үнээ гилж явсан Сүрэн юм. Ч.Лодойдамба. Тунгалаг Тамир;

---

3. Мэдүүлэг өгөх: хэргээ мэдүүлэх (хийсэн үйлдлийнхээ тухай мэдүүлэг өгөх) - дэлгэрэнгүй...Зохих газар очиж хэргээ мэдүүл хэмээн нэгэн буутай цагдаа Базарын ард очиж буугаа тулган яв гэв. С.Буяннэмэх. Түүвэр зохиол., *толгой мэдүүлэх (бусдын эрхшээлд байх, захирагдах) - Би өөрийнхөө толгойг ганцхан Доржоор л мэдүүлнэ. С.Лочин. Сэтгэлийн өнгө.

---

• айлтган мэдүүлэх - айлтган мэдэгдэх
• илтгэн мэдүүлэх - зохих газар албан ёсоор илтгэх
• заалдан мэдүүлэх - заргалдан мэдэгдэх
• чуулганд мэдүүлэх - чуулганд мэдэгдэх
• чөлөө мэдүүлэх - чөлөө хүсэх
• давах мэдүүлэх - шийдвэрийг үл дагаж дээш заргалдах
• амыг нь мэдүүлэх - эмнэг адуу малыг эдэлгээнд сургах
• хэргээ мэдүүлэх - хийсэн үйлдлийнхээ тухай мэдүүлэг өгөх
• толгой мэдүүлэх - бусдын эрхшээлд байх, захирагдах

Холбогдох зураг одоогоор алга байна.