МУЛТРАХ  

1. Уясан, угласан, шургуулсан, ивсэн зүйл сугаран унах: сойлт мултрах (сойлт сугаран унах), дэлгэрэнгүй...товч мултрах (товч салж унах), хөл мултрах (хөл ямар нэгэн зүйлээс сугарах) - Хонгор буруу тал руугаа унжин бөөрөнхий чулуу шүүрэн автал нөгөө талын хөл нь эмээл дээгүүрээ давуулсан хөлөөс мултарч… Ч.Лодойдамба. Тунгалаг Тамир;

---

2. Үе мөч булгарах: үе мултрах (а. Мөч гишүүний үе булгарах; б. [шилжсэн] Хүмүүсийн насны зөрөө арван хоёроос дээш байх);

---

3. [шилжсэн] Салах, суллагдах, ангижрах - дэлгэрэнгүй...Манай ээж эмээ хоёр Богдод тун ч сүсэгтэйг бодоод нэг удаа Богдын авралаар загнуулахаас мултаръя гэж бодлоо. Б.Ринчен. Гүнж., аюулаас мултрах (аюулаас зайлах), амь мултрах (амь өршөөгдөх), ажлаас мултрах (ажлаас чөлөөлөгдөх), ялаас мултрах (ялаас хэлтрэх), гараас мултрах (а. Гараас сугаран унах; б. Хэн нэгний эрхшээлээс салах) - Түүний гараас яаж мултрах билээ гэж бодож явсан хүн. Ж.Пүрэв. Гурван зангилаа., нар тоононоос мултрах (нар тоононоос өнгөрөх) - …дээшээ харахад оройн наран гэрийн тоононоос мултарч байв. П.Хорлоо. Багш.

---

• сойлт мултрах - сойлт сугаран унах
• товч мултрах - товч салж унах
• хөл мултрах - хөл ямар нэгэн зүйлээс сугарах
• үе мултрах - а. Мөч гишүүний үе булгарах; б. [шилжсэн] Хүмүүсийн насны зөрөө арван хоёроос дээш байх
• аюулаас мултрах - аюулаас зайлах
• амь мултрах - амь өршөөгдөх
• ажлаас мултрах - ажлаас чөлөөлөгдөх
• ялаас мултрах - ялаас хэлтрэх
• гараас мултрах - а. Гараас сугаран унах; б. Хэн нэгний эрхшээлээс салах
• нар тоононоос мултрах - нар тоононоос өнгөрөх

Холбогдох зураг одоогоор алга байна.