МАГАД
1. Лавтай, гарцаагүй, үнэн - Малгайн орой нь адилхан байна, магад хүү минь ирэв үү дээ. дэлгэрэнгүй... магад адилтгал [хуучирсан] (нотолсон адилтгал), магад үзүүлэх [хуучирсан] (тусдаа хоёр үзэгдлийг адилтгахдаа үлгэр болдог зүйлийг урьд нь өгүүлэн магтах арга), магад тэмдэглэл [хуучирсан] (Дундад улсын хаан нэг бүрийн ноёрхлын үе дэх чухал, түүхэн хэрэг явдлуудыг оны дарааллаар нь тэмдэглэсэн бичиг), магад үхэхээ мэдэвч, маргааш үхэхээ мэдэхгүй [зүйр цэцэн үг ] (цаашдын ирээдүйгээ мэдэх авч, ойрын үед болох зүйлээ урьдчилан мэдэхгүй гэсэн санаа);
2. Болзошгүй, магадгүй - Эрдэнэ өдийд эхнэртэй, бас хүүхэдтэй болсон ч байж магад. Ч.Лодойдамба. Тунгалаг дэлгэрэнгүй... магад үнэн (үнэн байж болох юм гэсэн санаа) - Эгиймаа магад инээмсэглэсээр л суугаа даа. Л.Дашням. Бурхантын цэцэг., магад гарах [хуучирсан] (шашны ёсонд гэлэн санваар сахиж тойн болох), магад гарахын тэмдэг [хуучирсан] (а. Лам болоход харьяа газраас өгсөн тэмдэгт бичиг; б. Гэрээс гарсны тэмдэг болох хувцас хунарын зүйл), магад дээдсийг олж нөхөрлө, муу явдалтнаас насад холд [зүйр цэцэн үг] (сайн хүнтэй найзлах, муу явдалтнаас хол бай гэсэн санаа), сайнаас магад нь олон, муугаас худал нь олон [зүйр цэцэн үг] (аливаа зүйл өөрт тохирсон арга хэрэгсэлтэй гэсэн санаа).
- магад адилтгал - нотолсон адилтгал
- магад үзүүлэх - тусдаа хоёр үзэгдлийг адилтгахдаа үлгэр болдог зүйлийг урьд нь өгүүлэн магтах арга
- магад тэмдэглэл - Дундад улсын хаан нэг бүрийн ноёрхлын үе дэх чухал, түүхэн хэрэг явдлуудыг оны дарааллаар нь тэмдэглэсэн бичиг
- магад үхэхээ мэдэвч, маргааш үхэхээ мэдэхгүй - цаашдын ирээдүйгээ мэдэх авч, ойрын үед болох зүйлээ урьдчилан мэдэхгүй гэсэн санаа
- магад үнэн - үнэн байж болох юм гэсэн санаа
- магад гарах - шашны ёсонд гэлэн санваар сахиж тойн болох
- магад гарахын тэмдэг - а. Лам болоход харьяа газраас өгсөн тэмдэгт бичиг; б. Гэрээс гарсны тэмдэг болох хувцас хунарын зүйл
- магад дээдсийг олж нөхөрлө, муу явдалтнаас насад холд - сайн хүнтэй найзлах, муу явдалтнаас хол бай гэсэн санаа
- сайнаас магад нь олон муугаас худал нь олон - аливаа зүйл өөрт тохирсон арга хэрэгсэлтэй гэсэн санаа
Холбогдох зураг одоогоор алга байна.
Хөрш үг
