1. Илтгэгчийн үг хэлэх өндөрлөг ширээ, тайз: индэр дээрээс үг хэлэх (тусгай ширээний араас босоогоор дэлгэрэнгүй...илтгэх) - Өөрийн саналаа засаг төрийн индэр дээр хашхиран хэлэх эрхтэй болсноо мэдэж баясжээ. С.Буяннэмэх Түүвэр зохиол;
2. Хурлын тэргүүлэгчдийн суух өндөрлөг байр -
Хурлын тэргүүлэгчид индэрт гарч суудлаа эзлэв. дэлгэрэнгүй...“Үнэн” сонин;
3. Ёслол, цуглаан, жагсаал үзэж харах, мөн баяр хүргэх, хүлээн авах зориулалтаар талбай, цэнгэлдэх хүрээлэн зэрэг газарт босгосон байр:
дэлгэрэнгүй...бунхант индэр (бунхан зассан тусгай давхарлаг) - Тэд ёслолын торгомсог хувцас, гялалзсан отго жинс бүхий олон сайд индрийн өмнүүр жагсаж өнгөрчээ. Б.Ринчен. Гуниг;
4. Цагаан сарын шинийн нэгний өглөө тахилын идээ тавьж үнэртэн шатааж, дэргэд нь тойрон мөргөл үйлдэх чулуу юмуу цасаар тусгайлан зассан овоо;
5. Байшингийн үүдний довжоо, тавцан -
Тэр дүүжлүүрийн хооронд нь бас хүний толгой авах индэр хийжээ. дэлгэрэнгүй...А.Толстой. Мөнгөн ноён.