ИЛГЭЭЛТ  

1. Илгээх үйлийн үр дүнг заасан нэр: ажлаар урьж илгээн явуулсан томилолт - дэлгэрэнгүй...Намын ажил хийж байгаад илгээлтээр уурхайн дарга болон Налайхад ирсэн хүн билээ. С.Лочин. Сэтгэлийн өнгө., илгээлтээр барилга барихаар ирэх (барилга барихаар томилогдон ирэх), эвлэлийн илгээлт (эвлэлийн байгууллагаас ажил, барилга зэрэгт уриалан ажиллуулах нэрээр илгээсэн томилолт), илгээлтийн эзэд [хуучирсан] (илгээлт авсан залуучууд);

---

2. Дээд байгууллага, олон түмэнд ил сонсгохоор илгээсэн захидал - НҮБ-аас тараасан илгээлтүүдэд энэ тухай дурджээ. “ШУА” сэтгүүл;

---

3. Шуудан болон хувь хүнээр хэн нэгэнд битүүмжлэн тээж явуулсан зүйл - дэлгэрэнгүй...Ажил төрөл, хайр дурлал, танил нөхдийн үй түмэн захидал, утас, илгээлт холбоочны гараар дамжина. С.Удвал. Та бид уулзана;

---

4. Бодитой хүн, уран сайхны дүр болгосон хэн нэгэн хүнд хандаж захидлын хэлбэрээр бичсэн яруу найраг, нийтлэлийн зохиол.

---

• илгээлтээр барилга барихаар ирэх - барилга барихаар томилогдон ирэх
• эвлэлийн илгээлт - эвлэлийн байгууллагаас ажил, барилга зэрэгт уриалан ажиллуулах нэрээр илгээсэн томилолт
• илгээлтийн эзэд - илгээлт авсан залуучууд

Холбогдох зураг одоогоор алга байна.