АМТТАЙ  

1. Амт ихтэй, ямар нэг амт бүхий: гашуун амттай (гашуун нясуун амт бүхий), дэлгэрэнгүй...чихэр амттай (чихэрлэг амт бүхий) - Говьчуул хийгээд завсар тал нутгийнхан тэмээн хөх хэмээх сүүлэг цагаан шүүс бүхий, удын навчин хэлбэртэй, чихэрлэг амттай ногоог амтархан идэх дуртай. С.Дашдооров. Говийн өндөр;

---

2. Сайхан амттай, амт сайтай - Хээрийн цай амттай гэж байдагсан. С.Лочин. Сэтгэлийн өнгө.,дэлгэрэнгүй... амттай боов (амт сайтай боов), амттай хоол (сайхан амттай хоол), амттай шимттэй [хоршоо] (амт шим ихтэй), айлын хоол амттай [зүйр цэцэн үг] (хүний юм илүү гэсэн санаа), анхны юм амттай [зүйр цэцэн үг] (хүний амьдралын анх учирсан зүйл сайхан байдаг гэсэн санаа), идээний бага нь амттай [зүйр цэцэн үг] (жаахан ч гэсэн чанартай нь дээр), олзны бага нь амттай [зүйр цэцэн үг] (юманд бүү шуна гэсэн санаа);

---

3. [шилжсэн] Урамтай, сонирхолтой, таатай: амттай зүүд (сонирхолтой, таатай зүүд).

---

• гашуун амттай - гашуун нясуун амт бүхий
• чихэр амттай - чихэрлэг амт бүхий
• амттай боов - амт сайтай боов
• амттай хоол - сайхан амттай хоол
• айлын хоол амттай - хүний юм илүү гэсэн санаа
• амттай цай - сайхан амттай цай
• амттай шимттэй - амт шим ихтэй
• анхны юм амттай - хүний амьдралын анх учирсан зүйл сайхан байдаг гэсэн санаа
• идээний бага нь амттай - жаахан ч гэсэн чанартай нь дээр
• олзны бага нь амттай - юманд бүү шуна гэсэн санаа
... үргэлжлүүлэн харах ...
амттай зүүд - сонирхолтой, таатай зүүд

Холбогдох зураг одоогоор алга байна.