АМРАГ  

1. Маш дотно, хайртай - Амраг хөөрхөн бүсгүй минь, алаг цэцгээс сайхнаа. Ц.Дамдинсүрэн. Түүвэр зохиол., амраг садан (хань болон хамаатан хүмүүс), амраг элгэн (ойр дотны садан төрөл) - Ар цоргын эхэнд алаг будан татна амраг элгэн та нараасаа ийм л хол сууна. Арван гурван хүлгийн дуун;

---

2. Янаг хонгор, сэтгэлтэй хүн: амраг гэргий (хайрт эхнэр), амраг хонгор (янаг хайртай хүн) - дэлгэрэнгүй...Амраг хонгороосоо олон сар хагацан уйдаж суусаар турж... Галидас. Үүлэн зардас., аргагүй амраг (маш хайртай, салж хагацахын аргагүй амраг) - Нууцгай ханилсан чи бид хоёр хө, арга ч үгүй амраг мөнөөс мөн үү дээ хө. С.Цоодол. Ардын дуунууд., зүрхний амраг (зүрхний угаас хайртай хүн), нууц амраг (янаг амрагийн далд холбоо бүхий хүн), сэтгэлийн амраг (сэтгэл нийлсэн хүн), янаг амраг ~ амраг янаг [хоршоо] (хайр сэтгэлтэй, дотно янаг хүмүүс) - Амраг янагийг холдуулагч аян хол газар гэнэ. Монгол ардын уртын дуу., амраг бор [амьтан] (улбар өнгөтэй, шингэн дуутай, богино хүзүүтэй, хятруу бялзуухайнаас бяцхан, хосоор амьдардаг нэгэн зүйл бялзуухай).

---

• амраг элгэн - ойр дотны садан төрөл
• амраг гэргий - хайрт эхнэр
• амраг садан - хань болон хамаатан хүмүүс
• амраг хонгор - янаг хайртай хүн
• аргагүй амраг - маш хайртай, салж хагацахын аргагүй амраг
• зүрхний амраг - зүрхний угаас хайртай хүн
• нууц амраг - янаг амрагийн далд холбоо бүхий хүн
• сэтгэлийн амраг - сэтгэл нийлсэн хүн
• янаг амраг~амраг янаг - хайр сэтгэлтэй, дотно янаг хүмүүс
• амраг бор - улбар өнгөтэй, шингэн дуутай, богино хүзүүтэй, хятруу бялзуухайнаас бяцхан, хосоор амьдардаг нэгэн зүйл бялзуухай

Холбогдох зураг одоогоор алга байна.