ЗАРАХ I  

1. Ямар нэгэн үйл ажлыг бусдаар албадан хийлгэх, зарцлах: албадан зарах (хүчээр зарах), дэлгэрэнгүй...хөлслөн зарах (тодорхой хөлс төлөн ажил үйл хийлгэх);

---

2. Ар саар ажилд туслалцуулах: гар хөлийн үзүүрт зарах (гэр ахуйн ойр зуур ажилд зарах) - дэлгэрэнгүй...Гар хөлийн үзүүрт зарах хөнгөн шингэн хөөрхөн хүүтэй боллоо. С.Лочин нар. Галтай залуу нас;

---

3. Илгээх, явуулах: бичиг зарах (бичиг илгээх), хүн зарах (хүн явуулах), элч зарах (элч довтолгох) дэлгэрэнгүй...- Ноён та намайг ямар хэрэгт томилон зарах гэж байна. Ц.Уламбаяр. Хүний чанар., Энэ ламын биеийг уг дөрвөн шавийн хамтаар Долон нуурын газарт хүргүүлэн зарах хиа, хөтөл хүн арван хоёрыг гаргасугай! Ц.Насанбалжир. Ардын заргын бичиг;

---

4. Юмыг эдэлж хэрэглэх - Тэр цаасыг хаана хэзээ зарах юм болоо. Ц.Уламбаяр. Зовлон жаргал., дэлгэрэнгүй...засварт зарах юмс (засварын ажилд зориулах юмс), зарах зоос (хэрэглэх зоос, сүйтгэх зоос), өртөө улаанд зарах морь (өртөө улаанд хэрэглэх морь), хоол хүнсэнд зарах (хоол хүнсэнд хэрэглэх, хоол хүнсэнд зарлагадах).

---

• албадан зарах - хүчээр зарах
• хөлслөн зарах - тодорхой хөлс төлөн ажил үйл хийлгэх
• гар хөлийн үзүүрт зарах - гэр ахуйн ойр зуур ажилд зарах
• бичиг зарах - бичиг илгээх
• хүн зарах - хүн явуулах
• элч зарах - элч довтолгох
• засварт зарах юмс - засварын ажилд зориулах юмс
• зарах зоос - хэрэглэх зоос, сүйтгэх зоос
• өртөө улаанд зарах морь - өртөө улаанд хэрэглэх морь
• хоол хүнсэнд зарах - хоол хүнсэнд хэрэглэх, хоол хүнсэнд зарлагадах

---

Ижил үг

ЗАРАХ II

Холбогдох зураг одоогоор алга байна.