1. Ёс бүхий; тогтсон ёс журмыг баримтлан дагах нь: ирэх ёстой (ирэх журамтай) - дэлгэрэнгүй...Хүрлээ нүдээ арчиж, авралын эзэн энэ замаар ирэх ёстой гэж зам руу хэчнээн ширтэвч харагдах бараагүй. П. Хорлоо. Багш., ёстой хүн (дэг ёс баримталдаг хүн) - Батмөнхийг бодвол ёстой хүн шүү дээ. С. Лочин. Сэтгэлийн өнгө., ёстой юм (ёс журмаар гүйцэтгэдэг юм) - Сургаагны үзүүрт түрүүлж хүрсэн хүн, өвчүү иддэг ёстой юм гэнэ. Б. Нямаа. Бид гурав., хийх ёстой (хийх журамтай) - Ёстой юм ёсоороо болжээ. С.Эрдэнэ. Миний эх, орон миний тоонот;
2. Зүйтэй, үнэхээр, жинхэнэ, гарцаагүй
- Ёстой өмхий санаатай хүн дээ. Ж.Пүрэв. Гурван зангилаа., дэлгэрэнгүй...ёстой зөв (үнэхээр зөв), ёстой сайхан (маш сайхан) - Энэ жилийн наадам ёстой сайхан боллоо. С. Дашдооров. Говийн өндөр., ёстой хүүхэд (гарцаагүй хүүхэд) - Ёстой л хүүхдээрээ байна даа. Яриа., ёстой үнэн (жинхэнэ үнэн) - Чи ёстой үнэн ярьж байна? Энэ шанага шиг долоон од чинь долоон өвгөн байгаа юм. Л. Дашняям. Цөллөг., ёстой худлаа (шал худлаа), ёстой торго (сайн чанарын жинхэнэ торго), ёстой алт (шижир алт) - Үсний сор ч гэж ёстой алт аа, алт. Д. Мягмар. Үнэгэн дээл., ёстой мөн (үнэхээр мөн) - Улс гүрнийхээ ийм их хувирлын цагт төрж, ажил явдалд нь оролцож явах аавын хүүгийн аз хувь гэдэг ёстой мөн дөө. С. Эрдэнэ. Хөх хулгана жил., ёстой буруу (маш буруу).
