ДЭЛЭН I  

1. Адгуус амьтны эмэгчний хэвлийн хэсэгт байх, сүү боловсруулах булчирхай, сүү гаргах сүв, үр зулзага нь хөхөх товч дэлгэрэнгүй...бүхий эрхтэн: гүүний дэлэн (гүүний хөх), үнээний дэлэн (үнээний хөх) - Хоног өдөр өнгөрсөөр хоёр сар болоход Батбаяр гэр орноо даруйхан нүүлгэж Онги руу аваачиж, өөрөө албанд зүтгэх, эх эхнэр хоёроороо ганц нэг үнээний дэлэн шувтруулж, тамгын өргөө хавиар аж төрөх гэж Лхамтай ярилцаж тохироод байлаа. Ж. Пүрэв. Аянга., дэлэн буух (сүү орж дэлэн нь томрох), дэлэн харих (сүү ширгэж дэлэн татрах), дэлэн чанга (хөхний булчин, арьс чанга), хөх дэлэн [хоршоо] (хүн, амьтны үр төлөө сүүгээр тэжээх эрхтэн) - Хөгширсөн ч гэсэн хөх дэлэн зөөлөнтэй ёстой буянтай мал шүү. Д. Мягмар. Гөрөөчин., дэлэндээ байгаа сүү гашилдаггүй [зүйр цэцэн үг] (тэжээн тэтгэх үндсэн эх ундарга байвал юм чанараа алдахгүй гэсэн санаа) - Дэлэн нь сэрийсэн, цүлхгэр гэдэстэй гүүнүүд биеэ дааж ядсан мэт хүнд хөлөөрөө талын зөөлөн шороог бутарган, адууны сүүл барин шогшино. Д.Цэдэв. Айргийн амт;

---

2. Малын дэлэн цочиж үрэвсэх өвчин: хар дэлэн (дэлэн үрэвсэх өвчин), бэр дэлэн (дэлэн хөхөнд хатуурсан хэсэг тогтож дэлгэрэнгүй...сүү багатай болох нь).

---

• гүүний дэлэн - гүүний хөх
• үнээний дэлэн - үнээний хөх
• дэлэн буух - сүү орж дэлэн нь томрох
• дэлэн харих - сүү ширгэж дэлэн татрах
• дэлэн чанга - хөхний булчин, арьс чанга
• хөх дэлэн - хүн, амьтны үр төлөө сүүгээр тэжээх эрхтэн
• дэлэндээ байгаа сүү гашилдаггүй - тэжээн тэтгэх үндсэн эх ундарга байвал юм чанараа алдахгүй гэсэн санаа
• хар дэлэн - дэлэн үрэвсэх өвчин
• бэр дэлэн - дэлэн хөхөнд хатуурсан хэсэг тогтож сүү багатай болох нь

---

Ижил үг

ДЭЛЭН II

Холбогдох зураг одоогоор алга байна.