ДҮРЭХ I  

1. Юмыг шингэн, нунтаг юманд оруулах, хийх: гар дүрэх (а. Шингэн зүйлд гараа шунгах; б. [шилжсэн] дэлгэрэнгүй...Хөндлөнгийн хэрэгт оролцох; в. [шилжсэн] Бусдын эд хөрөнгийг үрж шамшигдуулах, хулгайлах) - Би чулуун дээр сууж хүйтэн усанд гараа дүрэн үсээ норгон самнав. Ч.Алагсай. Алтайн зам., уруул дүрэх (а. Шингэн зүйлд уруул хүрэх - Амбан архи сархдыг янз янзаар, миглүү, ганзай, ханшин дараа дараагаар оруулж ирж баривч Магсаржав зөвхөн уруул дүрэх төдий өргөж тавьж байлаа. С. Удвал. Их хувь заяа; б. Хөндлөнгийн ярианд оролцох), дүрдэг цай (буцалсан усанд хандлан уусгаж уух зориулалтаар тусгайлан савласан нунтаг цай);

---

2. Юмыг далд хийх - Мэнлиг эцэг малгайг нь авч уншиж өвөртөө дүрэв. Лувсанданзан. Алтан товч;

---

3. Хутга мэсийг хуйд хийх - Хутгаа хуйд нь дүрэв. Яриа;

---

4. Шовх хутгаар чичих, мэсээр бүлэх - Тэрхүү чонын улаан суга руу үйсэн иштэй урт хутгаа ганцхан дүрээд алав. Б.Бааст. Алтайн хөх дөнөн;

---

5. [шилжсэн] Хэрэг явдалд хөндлөнгөөс оролцох: хошуу дүрэх (өөрт хэрэггүй, хамаагүй юманд хөндлөнгөөс орох, илүү үг хэлэх) дэлгэрэнгүй...- Үүнээс гадна гал тогоо, дотуур байрын ажилд ч тэр, галч тогооч, каминдаа нарын ажилд ч тэр, үргэлж хошуу дүрж явдаг юм. Н.Банзрагч. Тэр жилийн өвөл., хөндлөнгөөс хөл дүрэх (хажуунаас нь дотоод хэрэгт оролцох), хүйтэн гар дүрэх (хулгай хийх) - Манай энд ч нэгдлийн мал хөрөнгөнд хүйтэн гар дүрэх явдал бий шүү. Ц.Ням- Осор. Юу гэнээ хөө.

---

• гар дүрэх - а. Шингэн зүйлд гараа шунгах; б. [шилжсэн] Хөндлөнгийн хэрэгт оролцох; в. [шилжсэн] Бусдын эд хөрөнгийг үрж шамшигдуулах, хулгайлах
• уруул дүрэх - а. Шингэн зүйлд уруул хүрэх; б. Хөндлөнгийн ярианд оролцох
• дүрдэг цай - буцалсан усанд хандлан уусгаж уух зориулалтаар тусгайлан савласан нунтаг цай
• хошуу дүрэх - өөрт хэрэггүй, хамаагүй юманд хөндлөнгөөс орох, илүү үг хэлэх
• хөндлөнгөөс хөл дүрэх - хажуунаас нь дотоод хэрэгт оролцох
• хүйтэн гар дүрэх - хулгай хийх

---

Ижил үг

ДҮРЭХ II

Холбогдох зураг одоогоор алга байна.