ДООР  

1. Дээр гэдгийн эсрэг утга, дор: газар доор (газрын гүнд) - дэлгэрэнгүй...Газар доор ч нөөц баялаг ихтэй сайхан орон юм даа. Л. Ванган. Түмний нэг., усан доор (усан дотор) - Та нар эс сонсов уу? Их шуурган хөдлөөд, усан доор ч мөн гамшиг болно хэмээв гэжээ. З. Түмэнжаргал. Нисдэг алим., сүүдэр доор (сүүдэрт багтан) - Амьтны орчлонгоос нүдийг нь халхалж байсан хуш модот намхан хөх уулс тэртээ доор хоцровч, алсын бараа даанч харагдсангүй. Б. Нямаа. Арандалынхан;

---

2. Хамт, цуг: нэг доор ажиллах (нэг байгууллагад хамт ажиллах), нэгэн тугийн доор (эв санал нийлэн) дэлгэрэнгүй...- Улаан өндөгний баяр болж, хаврын налгар сайхан цаг ирэхэд миний найз бор шувууд, герман хүмүүс нэг доор цугласан юм шиг шуугилдах нь... Б. Полевой. Эцсийн бүлэгт;

---

3. Дотор: сэтгэл доор (сэтгэлд);

---

4. Удирдлага, харьяанд: гарын доор (а. Бусдын эрхшээлд - дэлгэрэнгүй...Миний хүү бурхны зааныг битгий унаж бай, алдас болно гэж ээж учирлавч тэр үед энэ гуулин заанаас өөр гарын доор номхон унаа байсангүй. Б. Догмид. Хүлэг; б. [шилжсэн] Бэлэн байгаа; в. [шилжсэн] Хөнгөн хялбар - Амарбуянтын хийд хил дээр байгаа юм чинь бидний гарын доор гэсэн үг. Г. Дүйнхэржав. Танихгүй зочин), захиргаан доор (захиргаанд) - Эрхэм дээд ноён Тувановын захиргаан доор явж, тэрс номтныг сөнөөн тонилгогч ялгуулсан отряд. Б.Нямаа. Арандалынхан;

---

5. Байр байрандаа: доор доороо болцгоох (тус тусын амьдрал, ахуйгаа даацгаах).

---

• газар доор - газрын гүнд
• усан доор - усан дотор усны мандал дор
• сүүдэр доор - сүүдэрт багтан
• нэг доор ажиллах - нэг байгууллагад хамт ажиллах
• нэгэн тугийн доор - эв санал нийлэн
• сэтгэл доор - сэтгэлд
• гарын доор - а. Бусдын эрхшээлд; б. [шилжсэн] Бэлэн байгаа в. [шилжсэн] Хөнгөн хялбар
• захиргаан доор - захиргаанд
• доор доороо болцгоох - тус тусын амьдрал, ахуйгаа даацгаах

Холбогдох зураг одоогоор алга байна.