АЛГАДАХ  

1. Гарын алгаар дэлдэн цохих, зодох - Дугарын хацрыг байдаг тэнхээгээрээ алгадав. Н.Банзрагч. Зам., мөр алгадах (а. Мөр лүү цохих; б. Дотночлон саймшрах), *гуяа алгадах (Ихэд баярлах) - Тэр охины майхнаас юм асууж сураглаад ир гэвэл бараг л гуяа алгадан гүйх байсан биз ээ. Д.Цэдэв. Өдрийн од;

---

2. Хайрч дааруулах - дэлгэрэнгүй...Дорж малгайгаа хулгавчлан буулгаж, бээлийтэй гараа хөвөнтэй хүрэмнийхээ хармаанд хийчихээд нүүр өөдөө алгадах жавраас буруулж үе үе эргэж зогсон алхана. С.Лочин. Сэтгэлийн өнгө., жавар алгадах (хүйтэн жавар хайрах);

---

3. Юмыг гарын алгаар хавчин элдэж бөөрөнхийлөх, томох, үнгэх: алгадан томох (алгаар бөөрөнхийлөн томох), дэлгэрэнгүй...утас алгадах (утас эрчлэх), бантан алгадах (а. Бантангийн гурил үрж бэлдэх; б. Бантан хийх) - Өглөө идэх бантанг нь алгадах байж. Р.Ганбат. Хужир нугадаа очих юм сан;

---

4. Араатан амьтан алгаараа цохих;

---

5. Жигүүртний далавчаараа цохих - Өлөн бүргэд газар алгадах дөхөөд арайхийн биеэ татаж эргэн өндөр авч хулжин зайлав. Т.Баасансүрэн. Тал.

---

• мөр алгадах - а. Мөр лүү цохих; б. Дотночлон саймшрах
• гуяа алгадах - Ихэд баярлах
• жавар алгадах - хүйтэн жавар хайрах
• бантан алгадах - а. Бантангийн гурил үрж бэлдэх; б. Бантан хийх - Өглөө идэх бантанг нь алгадах байж. Р.Ганбат. Хужир нугадаа очих юм сан.,
• алгадан томох - алгаар бөөрөнхийлөн томох
• утас алгадах - утас эрчлэх

Холбогдох зураг одоогоор алга байна.