ДАЙСАН I  

1. Өшөө хорслоос үүдэн эвлэршгүй эсэргүүцэж байгаа эсрэг этгээд: ангийн дайсан (анги нийгмийн ялгаа, дэлгэрэнгүй...зөрчлөөс үүсэн дайсагнасан этгээд) - Энд тэндгүй л ангийн дайсан гарч ирээд. П. Сандуйжав. Цөсний чулуу., дайсны тагнуул (сөргөлдөгч этгээдээс танган туршихаар ирсэн тагнуул) - Батааг дайсны тагнуул гэж нотолчихсон хөдөлбөргүй баримт бас алга л байна. Ч. Чимэд. Маш нууц., хүний дайсан (хүнд саад, хор хохирол учруулагч хүчин зүйл), дайсан хулгай [хоршоо] (далдуур нууцаар дайсагнан хорлогч) - Энд хэрвээ дайсан хулгай учирваас хэрхмүй. В.Инжаннаши. Хөх судар., өштөн дайсан [хоршоо] (өш хонзон төрүүлэгч этгээд) - Баяд дээдэс, өштөн дайсан бүхэн сөнөж, шударга бус явдал бүхэн та нарын хамт булшлагдах болтугай. Т. Султаан. Сүмбэр уулс., дайсны дэргэд амрагаа бүү магт, амрагийн дэргэд дайснаа бүү нуу [зүйр цэцэн үг] (дайсанд сэрэмж, нөхөрт итгэл чухал гэсэн санаа) - Тэгэхдээ зэргэлдээ орондоо дайсан үүрлэж байхыг хэн ч хүсэхгүй. Ч.Лодойдамба. Тунгалаг Тамир;

---

2. Байлдаж байгаа нөгөө этгээд - Зэрлэг дайсан ухаан жолоогүй давшин гүйлджээ. Ч.Лхамсүрэн. Хурандаа;

---

3. Хор хөнөөл учруулагч: малын дайсан (а. Малд халгаатай зүйл; б. Чоно) - Малын дайсан болох чоно олширч... дэлгэрэнгүй...style="font-size: 10px;">“Цог” сэтгүүл;

---

4. Халгаатай сөрөг зүйл: дайсан болох (эвдлэх, муутгах хүчин зүйл үүсэх) - Муу гэргий гэрийн дайсан. Ж.Дашдорж. Монгол цэцэн үгийн далай.

---

• ангийн дайсан - анги нийгмийн ялгаа, зөрчлөөс үүсэн дайсагнасан этгээд
• дайсны тагнуул - сөргөлдөгч этгээдээс танган туршихаар ирсэн тагнуул
• хүний дайсан - хүнд саад, хор хохирол учруулагч хүчин зүйл
• дайсан хулгай - далдуур нууцаар дайсагнан хорлогч
• өштөн дайсан - өш хонзон төрүүлэгч этгээд
• дайсны дэргэд амрагаа бүү магт, амрагийн дэргэд дайснаа бүү нуу - дайсанд сэрэмж, нөхөрт итгэл чухал гэсэн санаа
• малын дайсан - а. Малд халгаатай зүйл; б. Чоно
• дайсан болох - эвдлэх, муутгах хүчин зүйл үүсэх

---

Ижил үг

ДАЙСАН II:

Холбогдох зураг одоогоор алга байна.