ДАГАХ  

1. Юмны хойноос бараадан ойрхон явах, хамт байх: нохой дагах (а. Нохойн араас дагаж явах; б. Ямар нэг дэлгэрэнгүй...зүйлийн араас нохой дагаж явах - Ачаатай тэрэгний араас нохой дагажээ. Ц.Дамдинсүрэн. Гологдсон хүүхэн), хүн дагах (а. Араас дагах - Дилав хутагт хэдэн өрөө байранд тохь тухтай амьдравч, гадагш дотогшоо явахад араас нь нууцаар хүн дагах нь хар дарсан сүүдэр мэт бие агзасхийлгэн жихүүдэс төрүүлнэ. Л. Чойжилсүрэн. Дилав хутагт; б. Хүнтэй хамт явах гэж дурлах), голын хөвөө дагаж явах (голын эрэг хөвөөг бараадан явах);

---

2. Ойшоон зөвшөөрөх, аялдах: дагаж дарвих (ямар нэг онцын зорилтгүйгээр бусдыг дагаж элдэв хөдөлгөөнд оролцох), дэлгэрэнгүй...даган баясах (а. Бусдын олсон амжилт, ямар нэгэн баярт явдалд сэтгэл санаа татагдан хөгжин баясах - Цас, хөгжим хоёр бие биеийгээ даган баясах мэт сэтгэлд таатай тэр байдал удсангүй өөрчлөгдөж хорвоо дэлхий үзэгдэхээ болив. Л. Түдэв. Цагаан үхэл; б. [шашин] Ном хуруулах үед шашны жаяг ёсны дагуу хамтаар сүсэглэх) - Даган баясагч нь би болъё! Ж.Пүрэв. Гурван зангилаа;

---

3. Дуурайн хамтрах: дууг дагаж дуулах (дуу хөгжмийг дуурайн аялах);

---

4. Бууж өгөх, дагаар орох: дайсан этгээд дагах (бууж өгч, харьяанд орох), ая дагах (бусдын ая эвийг харж явах) дэлгэрэнгүй...- Заан хэчнээн том ч замын аясыг дагана. Жанжин хэчнээн их ч олны аясыг дагана. Х.Нямбуу. Хамгийн эрхэм ёсон;

---

5. Мөрдөх, журамлах: зарлигийг дагах, заншил дагах (ёс заншлыг биелүүлэх), тушаал дагах (тушаал ёсоор явах), дэлгэрэнгүй...бух дагах (үнээ буханд гарах) - Улаан үнээг бух дагах янзтай. “Цог” сэтгүүл;

---

6. Мөшгөх, нэхэх: дагаж нэхэх (хүн амьтны араас салалгүй дагаж мөрдөх) - Тэр бүсгүйд сэжиг авахуулалгүй дагагтун. дэлгэрэнгүй...style="font-size: 10px;">Яриа;

---

7. Адуулах, хариулах, маллах: мал дагах (маллах, мал хариулах) дэлгэрэнгүй...- Халуунд халж, хүйтэнд хөрж малын хойноос даган гадаа гандаж, хөдөө хөхөрч явах юуны сайхан бэ? С.Лочин нар. Галтай залуу нас;

---

8. Байх: яс дагаж мах [зүйр цэцэн үг] (аливаа зүйлийг зөв олж сонгож чадвал, түүнээс заавал үр өгөөж гардаг гэсэн санаа).

---

• нохой дагах - а. Нохойн араас дагаж явах; б. Ямар нэг зүйлийн араас нохой дагаж явах - Ачаатай тэрэгний араас нохой дагажээ. Ц.Дамдинсүрэн. Гологдсон хүүхэн
• хүн дагах - а. Араас дагах; б. Хүнтэй хамт явах гэж дурлах
• голын хөвөө дагаж явах - голын эрэг хөвөөг бараадан явах
• дагаж дарвих - ямар нэг онцын зорилтгүйгээр бусдыг дагаж элдэв хөдөлгөөнд оролцох
• даган баясах - а. Бусдын олсон амжилт, ямар нэгэн баярт явдалд сэтгэл санаа татагдан хөгжин баясах; б. [шашин] Ном хуруулах үед шашны жаяг ёсны дагуу хамтаар сүсэглэх
• дууг дагаж дуулах - дуу хөгжмийг дуурайн аялах
• дайсан этгээд дагах - бууж өгч, харьяанд орох
• ая дагах - бусдын ая эвийг харж явах
• зарлигийг дагах, заншил дагах - ёс заншлыг биелүүлэх
• тушаал дагах - тушаал ёсоор явах
... үргэлжлүүлэн харах ...
бух дагах - үнээ буханд гарах
дагаж нэхэх - хүн амьтны араас салалгүй дагаж мөрдөх
мал дагах - маллах, мал хариулах
яс дагаж мах - аливаа зүйлийг зөв олж сонгож чадвал, түүнээс заавал үр өгөөж гардаг гэсэн санаа

Холбогдох зураг одоогоор алга байна.