ДАВИРХАЙ  

1. Шилмүүст мод ургамлаас гарах наалдамхай эд, агаарт хатах шүүс; лав хийхэд хэрэглэнэ: дэлгэрэнгүй...давирхай гоожих (давирхай шүүрэх, модноос давирхай ялгарах), давирхай тогтох (давирхайтах), давирхайн тос (нарсны бохийг нэрж гаргасан дэгдэмхий чанартай тос), давирхайн шүүс (шилмүүст модноос шүүрч гардаг цавуулаг шингэн эд), модны давирхай (модны зунгааралдсан наалдамхай шүүс), үнэрт давирхай (анхилуун үнэр бүхий давирхай), шар давирхай (тунгалаг давирхай) - Доржийн гар давирхай болж хар хүрэнтэн хуруунууд нь хоорондоо наалдана. С.Лочин. Сэтгэлийн өнгө., *давирхай халаах (бусдыг цаашлуулах, яриаг нь хөгжөөх гэсэн санаа) - Балдуугийн ирэхэд Дамын нөхөд модыг нь ачилцаж өгөхөөр далимдуулж өвгөний давирхайг халаан элдэв юм яриулж элгээ хөштөл инээлддэг байжээ. Б.Нямаа. Араараа модтой Биндэрьяа;

---

2. Чулуун нүүрс, хүлэр зэргээс гаргаж авдаг халуунд зөөлрөх, уян налархай чанар бүхий дээд молекулт нэгдлийн ерөнхий нэр: дэлгэрэнгүй...давирхай гиваан (малын цөснөөс гардаг зөөлөн чулуулаг эд), давирхай нүүрс (хар өнгийн тослог эд ихтэй нүүрс), давирхай шил (хув).

---

• давирхай гоожих - давирхай шүүрэх, модноос давирхай ялгарах
• давирхай тогтох - давирхайтах
• давирхайн тос - нарсны бохийг нэрж гаргасан дэгдэмхий чанартай тос
• давирхайн шүүс - шилмүүст модноос шүүрч гардаг цавуулаг шингэн эд
• модны давирхай - модны зунгааралдсан наалдамхай шүүс
• үнэрт давирхай - анхилуун үнэр бүхий давирхай
• шар давирхай - тунгалаг давирхай
• давирхай халаах - бусдыг цаашлуулах, яриаг нь хөгжөөх гэсэн санаа
• давирхай гиваан - малын цөснөөс гардаг зөөлөн чулуулаг эд
• давирхай нүүрс - хар өнгийн тослог эд ихтэй нүүрс
... үргэлжлүүлэн харах ...
давирхай шил - хув

Холбогдох зураг одоогоор алга байна.