ДАВАХ III  

1. Бусдыг хүч чадал арга ухааны зэргээр ялан дийлэх: бэрхшээлийг давах (түвэг, саад, тотгорыг дэлгэрэнгүй...гэтлэх), саадыг давах (тохиолдсон бэрхшээлийн цаана гарах) - Би хүрээн дэх орос англи худалдаачинд аавынхаа далан шар үхрийг өгөөд пиу бичиг, тэдний цаасан мөнгийг авсан болохоор хир баргийн саадыг давах бэлтэй явлаа. Ж. Пүрэв. Аянга., ял давах (а. Давж заалдан, ялыг хүчингүй болгох, бууруулах; б. Ялыг эдэлж дуусгах), давах дийлэх [хоршоо] (чадах, ялах) - Бидний дуу хэзээ ч хаа ч хүчтэй бэрх саадыг ялан давах чадалтай. Ч.Лхамсүрэн. Шилдэг яруу найраг;

---

2. Барилдаанд дийлэх, учраа бөхөө унагах, өвдөг шороодуулах: учраагаа давах (аль нэг даваанд өрсөлдөгч бөхөө унагах), дэлгэрэнгүй...гурав давах (наадамд гурван бөхийг давж, дөрвийн даваанд барилдах эрхтэй болох), тав давах (наадамд таван бөхтэй барилдаж, өвдөг шороодуулах) - Улсын наадамд долоогоос найм давбал заан, есөөс арав давбал арслан цол олгоно. Ж.Дамдин. Монгол бөх., *даваа давах (хүнд хүчир, саад бэрхшээлийг туулж өнгөрүүлэх) - Арай гэж нэг даваа давлаа даа гэж би хэлэхэд – Одоо банди нарыг яаж давна даа гэж Бурантаг маань санаа алдан хэлэв. Ч.Лодойдамба. Манай сургуулийнхан.

---

• бэрхшээлийг давах - түвэг, саад, тотгорыг гэтлэх
• саадыг давах - тохиолдсон бэрхшээлийн цаана гарах
• ял давах - а. Давж заалдан, ялыг хүчингүй болгох, бууруулах; б. Ялыг эдэлж дуусгах
• давах дийлэх - чадах, ялах
• учраагаа давах - аль нэг даваанд өрсөлдөгч бөхөө унагах
• гурав давах - наадамд гурван бөхийг давж, дөрвийн даваанд барилдах эрхтэй болох
• тав давах - наадамд таван бөхтэй барилдаж, өвдөг шороодуулах
• даваа давах - хүнд хүчир, саад бэрхшээлийг туулж өнгөрүүлэх

---

Ижил үг

ДАВАХ I

ДАВАХ II

ДАВАХ IV

ДАВАХ V

Холбогдох зураг одоогоор алга байна.