Хэрэг явдлыг тодорхойлон батлахад холбогдох ямар нэгэн баримт гаргах этгээд, юм дэлгэрэнгүй...- Цорын ганц гэрч тэр маань л байна шүү дээ. Б.Бааст. Алтайн цэцэг., гэрч болох (гэмт хэргийн талаар батлан өгүүлэгч болох), гэрч татах (хэрэг гарахыг мэдэх хүний нэрийг баримт болгон өгүүлэх), гэрчийн мэдүүлэг (хэрэг явдлыг нүдээрээ харсан хүний өчиг), гэрчийн хүн (хэргийг үзсэн харсан хүн), гэрч баримт [хоршоо] (хэргийг нотлох зүйл, батлах баримт) - Тамхины чинь алчуур олоод ноёнд гэрч баримт болгож барьж гэнэ. Б.Ринчен. Үүрийн туяа., гэрч гэрээ [хоршоо] (гэрчлэх баримт болгон үйлдсэн зүйл) - Өөрийнхөө шадар хүний гэрч гэрээтэйгээр шашин номын ёсоор эр эм бололцох. Б.Ринчен. Заан Залуудай., гэрч нотолгоо [хоршоо] (хэрэг явдлын талаар мэдээлэл өгөх хүн болон гэрчлэх баримт), гэрч тэмдэг [хоршоо] (нотлох баримт) - Тоо товчоо болгож явах хүн амьтны гэрч тэмдэг болой. Монголын зан аалийн ойллого., гэрчгүй хэрэг, барьцгүй зарга [зүйр цэцэн үг] (хэрэг заргад баттай гэрч баримт чухал гэсэн санаа), амьд хүний гэрч болохоор үхсэн хүний дэр болсон нь дээр [зүйр цэцэн үг] (аливаа юманд хянуур болгоомжтой ханд гэсэн санаа).