ГУЯ  

1. Хүн, амьтны сүүжнээс шилбэний дээд үе хүртэлх хэсгийн гадар тал: морины гуя (морины хойд хөлийн дэлгэрэнгүй...дунд хэсэг) - Хүрэн морины гуя руу хүчтэй гэгч нь дүрэв. Ч.Лхамсүрэн. Хүрэн морь., гуя ташаа [хоршоо] (хүн, амьтны сүүжнээс өвдөг хүртэлх хэсэг болон сүүжний толгой орчмын хэсэг) - Гучин хоёр цагаан сумаа гуя ташаандаа агсав гэнэ. Халх ардын тууль., гуя хас [хоршоо] (хүн, амьтны бүдүүн гуя түүний дотор тал) - Та мордвол гуя хасаа түлчих л болов уу даа. Монголын Маньбадарын хууч., хаа гуя [хоршоо] (малын урд болон хойд мөч), гуя баз (а. Нэг эхнэрийн хоёр нөхөр; б. [шилжсэн] Нэг эмэгтэйтэй нууцаар нөхөцсөн эрэгтэй хүмүүс), *гуяа алгадах (ихэд баярлах) - Тэр охины майхнаас юм асууж сураглаад ир гэвэл бараг л гуяа алгадан гүйх байсан биз ээ. Д.Цэдэв. Өдрийн од., *гуяа ганзагалах (а. Олз омоггүй явах; б. Өгөх, бэлэглэх юмгүй гар хоосон ирэх) - Би хот хүрээ газраас яваа болохоор айлд гуяа ганзагалаад орох нь эвгүй бодогдоод байлаа. Д.Урианхай. Тайгын цагаан цас;

---

2. Зарим юмны өрөөсөн тал: тэрэгний гуя (тэрэгний өрөөсөн хэсэг), хайчны гуя (хайчны бариул бүхий урт хоёр төмөр);

---

3. Мөрөн гол усыг гэтлэхэд хэрэглэх бяцхан онгоц (говь газрын мал услах модон онгоц мэт хоёрыг холбож хойд хоёр үзүүр дээр нь нэг хүн зогсож урт дэлгэрэнгүй...нарийн модоор гүн усны ёроолыг хатгаж залуурдан явах завь): гуя онгоц (бяцхан завь) - Хэдэн гуя онгоц шиг юм холоос харагдана. “Цог” сэтгүүл;

---

4. Нэг зүйл өвчин: хөх гуя (гуя хөхрөх өвчин).

---

• морины гуя - морины хойд хөлийн дунд хэсэг
• гуя ташаа - хүн, амьтны сүүжнээс өвдөг хүртэлх хэсэг болон сүүжний толгой орчмын хэсэг
• гуя хас - хүн, амьтны бүдүүн гуя түүний дотор тал
• хаа гуя - малын урд болон хойд мөч
• гуя баз - а. Нэг эхнэрийн хоёр нөхөр; б. [шилжсэн] Нэг эмэгтэйтэй нууцаар нөхөцсөн эрэгтэй хүмүүс
• гуяа алгадах - ихэд баярлах
• гуяа ганзагалах - а. Олз омоггүй явах; б. Өгөх, бэлэглэх юмгүй гар хоосон ирэх
• тэрэгний гуя - тэрэгний өрөөсөн хэсэг
• хайчны гуя - хайчны бариул бүхий урт хоёр төмөр
• гуя онгоц - бяцхан завь
... үргэлжлүүлэн харах ...
хөх гуя - гуя хөхрөх өвчин

Холбогдох зураг одоогоор алга байна.