Үйл явдал сэтгэлд нь тохироогүйгээс гуньхран, гутан шаналахын нэр: гомдол айлтгах (гомдол гаргах) - дэлгэрэнгүй...Өчиг өгөх, гомдол айлтгах хүмүүс гэрийн үүд алхмагцаа дороо алга хавсран хоёр хөл сөхрөн сууна. С. Удвал. Их хувь заяа., гомдол барагдах (гомдол тайлагдах), гомдол гаргах (гомдол мэдүүлэх, гомдсоноо илэрхийлэх), гомдол мэдүүлэх (гомдсоноо илэрхийлэх) - Гоожоо энэ зүйлээ ярихдаа хажуугийнхаа хүмүүст биш тэнгэрт гялалзах үй түмэн оддод гомдол мэдүүлэх мэт ямагт дээш ширтэн өгүүлжээ. Д. Намдаг. Цаг төрийн үймээн., гомдол нэхэх (гомдолтой байгаагаа илэрхийлэх, гомдлоо барагдуулах) - Түүний зүрх Дүнгэрээс гомдол нэхэх мэт шимшрэн цохилж байлаа. П. Пүрэвсүрэн. Уулзалт., гомдол тайлагдах (гомдохоо болих), гомдол эрэх (гомдсон учраа илэрхийлэн өчих) - Та миний тухай гомдол эрэх гээд байгаа бол сургуулийн захирал, багш нарт хэл. Э. Оюун. Би эндээс явахгүй., гомдлын товчоо (гомдол санал барагдуулан шийдвэрлэх албан газар), гомдлын хайрцаг (санал гомдол бичиж хийх цоожтой хайрцаг), гомдол гашуу [хоршоо] (шаналал гашуу) - Гомдол гашуу тайлаад аав ээж хоёр нь айлтгавай. Дань хүрэл., гомдол гутрал [хоршоо] (гуньхрал гутрал), гомдол зарга [хоршоо] (зарга заалхай) - Хойно урд бөртгөнөн гомдол зарга мэдүүлжээ. Монгол ардын үлгэр., гомдол хорсол [хоршоо] (хэн нэгний өөрт хийсэн муу зүйлийг санан үзэн ядаж гуньхран бодох нь) - Гагцхүү хэмжиж хэлэхэд хэцүү хачин их гомдол хорсол хоолой дээр тулчхаад “Дагиймаа, даанч дээ” гэж үглэн явлаа. Ц. Балдорж. Тамын говь., атаархал гомдол [хоршоо] (мөчөөрхөн туних сэтгэл) - Атаархал гомдлоо зайлуулж үл чадна. С.Эрдэнэ. Хонгорзул., санал гомдол [хоршоо] (ямар нэгэн асуудлын талаар тухайн хүний хүсэл, сэтгэгдэл) - Гомдлыг эс гаргавал сэтгэлд зовлон. Ж.Дашдорж. Монгол цэцэн үгийн далай., гомдлыг уураар тайтгаруулдаггүй, галыг тосоор унтраадаггүй [зүйр цэцэн үг] (хэрэг явдлыг шийдвэрлэхэд тохирсон арга барил чухал гэсэн санаа), гомдол хувилбал өшөө болно, гол бялхвал үер болно [цэцэн] (бусдыг гомдоож болохгүй гэсэн санаа).