Хүн, амьтны хэвлийн дотоод талд сээр нуруунд наалдан тогтсон сэлтэр, бүдүүн судас: гол судал (гол дэлгэрэнгүй...судас), гол судас (бие махбодын артерийн судсыг тэтгэх тэжээх гол том судас) - Чамархайнаас хүзүүний хоёр талыг даган уруудсаар хар хэнхдэг тус бэлчирлэсэн гол судас нь гүрэлзэн цохилж, ингэ хүнд биеэ дааж ядсан шадар дөрвөн хөлөө ээлжлэн амраана. С. Пүрэв. Мартагдсан хавар цаг., гол зүрх (амин зүрх) - Хайрт энэ гол зүрхэн мэт хатнаасаа хагацах болох нь дээ. Монгол ардын баатарлаг тууль., голт зүрх (а. Амьтны амин зүрх; б. Хамгийн дотно хайртай хүн; в. Үнэн сэтгэл зүрх - Голт зүрхийг номын төлөө тавивал, гомдох баярлах алин ч болов гайгүй. Д.Равжаа. Зохиолын эмхэтгэл), голыг нь таслах (амийг нь таслах); үнэн голоосоо (үнэн сэтгэлээсээ) - Голоо тасартал зүтгэж байгаад үхье. Л.Түдэв. Уулын үер., *гол гонсойх (сэтгэл дундуур болох, гомдох), *гол зогоох (а. Өлбөрөхгүйн төдийхөн идэх; б. Амь зуух), *гол орох (өлсгөлөн үедээ бага зэрэг юм идэх) - Царцсан мах хөшиглөж идээд гол оржээ. Ш.Сүрэнжав. Одны гэгээ., *гол нь харлах (а. Харамсах, гомдох; б. Өлсөх) - Хоосон хонож гол нь харлаж байгаа нэгэнд нь бага сага мах, тос, гурил намрын нөөцөөс өгөөд хариуд нь хонио хяргуулна. Б.Ринчен. Үүрийн туяа., *гол тасрах (а. Ихэд өлсөх; б. Амь алдах, үхэх - Хутга мэт хурц иртэй талын чулуунд өрөөсөн хөлийн эрхий хурууны үзүүр сэт цохигдож ясанд хүртэл янгинан гол тасрах дөхөөд хоёр нүдийг нулимс бүрхэж сүргийн бараа үзэгдэхгүй болоход Дорлиг уйлахгүй гэж шүд зуун өрөөсөн хөл дээрээ догонцон гүйв. Т. Баасансүрэн. Зун), *гол өөд хүйт оргих (гомдох, гол гонсойх), *голыг нь самнах (амийг нь таслах, алах, үхүүлэх) - Муу гамингийн голыг нь самнах гэж ирлээ. Б.Ринчен. Үүрийн туяа., *голд орох (а. Аминд орох; б. Үнэхээр итгэх), голсон юм голд орж, шилсэн юм шилд гарах [зүйр цэцэн үг] (голж байсан юм хэрэгтэй болж, шилж байсан юм хэрэггүй болох гэсэн санаа).
Ижил үг
