ГИШГЭХ I
1. Юмыг хөлийн улаар дарах - Үхрийн гишгэсэн мөрийг усаар дүүргэх хялбар. гишгэмэр болох (арай ядан гишгэх) - Тэр арай ядан гишгэмэр болов. “Цог” сэтгүүл., гишгэсэн мөр (хөлийн улаар дарсан мөр) - Эргэж харахад эгчийн хол хол алхсан мөр, миний ойр ойрхон гишгэсэн мөр уулын бэлээс ойн дундуур цасан дээгүүр зурайсан нь дэлгэсэн цагаан цаасан дээгүүр үсгийн хэв том бага хоёр хүний нэгэн зэрэг эв хав муутайхан таталгасан бичиг мэт. Д. Цэдэв. Хайнаг., хазгай гишгэх (а. Хажуу тийш гишгэх; б. [шилжсэн] Буруудах) - Гэтэл ах нь хазгай гишгэсэн эхнэрээ татаж авахын оронд түлхэж орхисон байв. Ч.Лодойдамба. Тунгалаг Тамир., чанга гишгэх (хөлөөр чанга дарах), сул гишгэх (хөлийн улаар сулхан дарах);
2. Алхах - Гишгэсэн алхам бүрээ эргэн харж өөрийгөө дүгнэн бодож явсан юм. П.Лувсанцэрэн. Хөдөөгийн дэлгэрэнгүй... алхах гишгэх [хоршоо] (алхан явах) - Алив хүүхдүүдэд өөх мах алаглуулан огтлоод өг гэж алхах гишгэх тоолондоо шахаж шавдаж байв. Д. Цэдэв. Цагаан сар., *уландаа гишгэх (үл тоомсорлох, итгэл найдварыг нь хөсөрдүүлэх), гишгэхээс өмнө замаа үз, гээхээс өмнө эдээ үз [зүйр цэцэн үг] (хэрэг явдалд болгоомжтой, хянуур хандах хэрэгтэй эрхэм гэсэн санаа).
- гишгэмэр болох - арай ядан гишгэх
- гишгэсэн мөр - хөлийн улаар дарсан мөр
- хазгай гишгэх - а. Хажуу тийш гишгэх; б. [шилжсэн] Буруудах
- чанга гишгэх - хөлөөр чанга дарах
- сул гишгэх - хөлийн улаар сулхан дарах
- алхах гишгэх - алхан явах
- уландаа гишгэх - үл тоомсорлох, итгэл найдварыг нь хөсөрдүүлэх
- гишгэхээс өмнө замаа үз, гээхээс өмнө эдээ үз - хэрэг явдалд болгоомж эрхэм гэсэн санаа
ГИШГЭХ II
Холбогдох зураг одоогоор алга байна.
