ГАШУУН
1. Тааламжгүй хатан нясуун амт - Хөлс гоожин гашуун юм аманд орж улам ч ам цангаана. гашуун амт (эвгүй муухай амт), гашуун утаа (нясуун утаа) - Дарийн эхүүн үнэр, гашуун утаа хамар аманд шингэчихсэн, чих дүлийрэн шуугисан хэвээр. Ш. цэнд-Аюуш. Гайхамшигт соронзон., гашуун нясуун [хоршоо] (а. Гашилсан мэт эвгүй амт, үнэр - Гал нь унтраагүй тамхины иш, гашуун нясуун юмны хоосон лонх, загас жараахайны нөөшний төмөр лааз, эрээн мяраан цаас нутаг орон бузарлан нэвсийсэн байна. Г. Нямаа. Өртөө буюу дэр мод; б. Бусдын дургүй хүргэм ёжтой хатуу үг), гашуун хухуун [хоршоо] (эвгүй хухарсан амт), *гашуун ус (архи) - Одоо энэ айхтар халуун цагаар гашуун ус гүзээлж яах нь вэ дээ. Л. Түдэв. Хор., гашуун мод [ургамал] (уулын хажуу, гол горхины хөвөөгөөр ургадаг багавтар тураг мод), гашуун сархиаг [ургамал] (нарсан ойд ургадаг гашуун амттай нэг зүйл мөөг), гашуун хаш [ургамал] (уулын хажуу, хээр тал, бут сөөгийн дунд зэллэн ургах олон наст өвс);
2. [шилжсэн] Бэрх, хатуу хөтүү - Зовлон зүдгүүрийг амсаж, гашуун гушууныг эдлэв. В.Инжаннаши. Хөх дэлгэрэнгүй... гашуун үг (бусдын дургүй буюу зэвүү хүрэм ёжтой дэгээтэй үг) - Ринчен гуай өөрөө байсан бол өөрийгөө хэт дөвийлгөгчдийн талаар бас л нэг гашуун үг хэлэх л байсан байх. Ц. Хасбаатар. Урлаг байсан цагт реализм байх л болно., гашуун зовлон (бэрх зовлон) - Хүн жаргалын төлөө төрдөг болохоор ямар ч хэцүү бэрх амьдрал, гашуун зовлон, баясах сэтгэл, жаргалын эрмэлзлэлийг нь ширгээн хатааж чадахгүй. Ч. Лодойдамба. Тунгалаг тамир., гал усны гашуун зовлон (гал усны бэрх зовлон) - Ард түмнийхээ гал усны гашуун зовлонгоос ангижруулах энэ их үйлс даруй гүйцэлдэн бүтэх болтугай. С.Дашдэндэв. Улаан наран., гашууныг үзэх (зовлон бэрхшээл эдлэх); гашуун нь өмнөө, гайхамшиг нь хойноо [зүйр цэцэн үг] (хүн ямар нэгэн үйлийг бүтээхэд хүчир бэрхийг амсах боловч, бүтээсний хойно жаргал эдэлдэг гэсэн санаа).
- гашуун амт - эвгүй муухай амт
- гашуун утаа - нясуун утаа
- гашуун нясуун - а. Гашилсан мэт эвгүй амт, үнэр; б. Бусдын дургүй хүргэм ёжтой хатуу үг
- гашуун хухуун - эвгүй хухарсан амт
- гашуун ус - архи
- гашуун мод - уулын хажуу, гол горхины хөвөөгөөр ургадаг багавтар тураг мод
- гашуун сархиаг - нарсан ойд ургадаг гашуун амттай нэг зүйл мөөг
- гашуун хаш - уулын хажуу, хээр тал, бут сөөгийн дунд зэллэн ургах олон наст өвс
- гашуун үг - бусдын дургүй буюу зэвүү хүрэм ёжтой дэгээтэй үг
- гашуун зовлон - бэрх зовлон ... үргэлжлүүлэн харах ...
