ГАНЗАГА  

1. Эмээлийн хавтасны өмнө, хойдод бэхлэн унжуулсан нарийн сур дэлгэрэнгүй...- Гэрт нь гахай ширэн гөлөм, жийжүү мөнгөн дөрөө, найман ганзага, баавар даруулга бүхий улаан эмээл, тохох эзнээ хүлээж байлаа. Д.Цэдэв. Айргийн амт., ганзаганы сур (эмээлийн ард ачаа тээш уяж бэхлэх сур), ганзага, гөлөм эмээлийн чимэг, гарамгай хөдөлмөр биеийн чимэг [зүйр цэцэн үг] (ажил хөдөлмөр хамгаас эрхэм гэсэн санаа), гар нь ганзаганд, хөл нь дөрөөнд хүрэх [зүйр цэцэн үг] (өсөж том болох, чадал тэнхээ суух, бие даах чадвартай болох гэсэн санаа);

---

2. [шилжсэн] Ан гөрөө, аян замын олз омог: ганзага дүүрэн (их олзтой гэсэн санаа), ганзага мялаах (ан авлах) дэлгэрэнгүй...- Аав нь ганзага мялаасандаа ч тэгсэн юмуу урьд урьдынхаасаа сайхан зантай байв. Ц.Уламбаяр. Зовлон жаргал., *ганзага нийлэх (а. Анд явахад олзтой; б. Санаа сэтгэл нийлсэн хэдэн хүний зорьсон ажил хэрэг амжилттай бүтэх гэсэн санаа) - Үлдэж байгаа тэд ганзага нийлэх бат журмаар барилджээ. З.Баттулга. Хөх тэнгэр., *ганзага татуу (ганзага дундуур, олз омог багатай, ажил төрөл бүтэмж муутай гэсэн санаа) - Амьдралын ийм татуугаас болж жилийн дөрвөн улиралд гар хомс, ганзага татуу байдаг ажээ. Д.Найманжин. Оломгүй далай., *ганзага (тосдох) тослох (анд яваад олзтой ирэх) - Би ч үхрээ олоод бас алтан дэлхий хишиг буян хайрлаж ганзага тосодлоо. М.Цэдэндорж. Хөмөрсөн тогоо., *ганзага хоосон (ан авгүй, олз омоггүй гэсэн санаа) - Ер ганзага хоосон ирж байсан удаагүй билээ. Д.Гармаа. Хулан зээрд., ганзагын наймаачин (үүргийн худалдаачин), ганзагын сан [хуучирсан] (ан авд олз омогтой явахыг хүсч уншуулах сан) - Гаднаа гараад ганзага сангаа тавиад... Халх ардын тууль., ганзагын худалдаа (айл өрх хэсч аар саар юм борлуулдаг наймаа).

---

• ганзаганы сур - эмээлийн ард ачаа тээш уяж бэхлэх сур
• ганзага гөлөм эмээлийн чимэг, гарамгай хөдөлмөр биеийн чимэг - ажил хөдөлмөр хамгаас эрхэм гэсэн санаа
• гар нь ганзаганд, хөл нь дөрөөнд хүрэх - өсөж том болох, чадал тэнхээ суух, бие даах чадвартай болох гэсэн санаа
• ганзага дүүрэн - их олзтой гэсэн санаа
• ганзага мялаах - ан авлах
• ганзага нийлэх - а. Анд явахад олзтой; б. Санаа сэтгэл нийлсэн хэдэн хүний зорьсон ажил хэрэг амжилттай бүтэх гэсэн санаа
• ганзага татуу - ганзага дундуур, олз омог багатай, ажил төрөл бүтэмж муутай гэсэн санаа
• ганзага (тосдох) тослох - анд яваад олзтой ирэх
• ганзага хоосон - ан авгүй, олз омоггүй гэсэн санаа
• ганзагын наймаачин - үүргийн худалдаачин
... үргэлжлүүлэн харах ...
ганзагын сан - ан авд олз омогтой явахыг хүсч уншуулах сан
ганзагын худалдаа - айл өрх хэсч аар саар юм борлуулдаг наймаа

Холбогдох зураг одоогоор алга байна.