1. Дотоод гэдгийн эсрэг утга, юмны гаднах өнгө үзэгдэл, өнгөн тал: гадаад байдал (гаднах үзэмж) дэлгэрэнгүй...- Гадаад байдал ч яахав, нэгэнт нүдний өмнө ийм үзэгдэнэ. Д.Нацагдорж. Бүрэн түүвэр.,
2. Зах хязгаараар оршдог:
гадаад далай (дэлхийн бөмбөрцгийн хуурай газруудыг хүрээлэн тогтсон их ус; Номхон далай, Энэтхэгийн далай,
дэлгэрэнгүй...Атлантын далай) - Түүнтэй танилцахын их хүслэн миний сэтгэлд гадаад далайн давалгаа мэт хойно хойноос түрэн орж ирлээ. С.Бадраа. Амьдрал.,
3. Өөрийн биш, харь:
гадаад валют (харь орны мөнгөн тэмдэгт),
гадаад худалдаа (барааг гадаадаас импортлон оруулах,
дэлгэрэнгүй...гадагш экспортлон гаргах улс хоорондын худалдаа), гадаад улс (харь гүрэн) - Та нарыг гадаад улсад сургуульд явуулах болсон. Ж.Дамдин. Миний монгол., гадаад хэл (харь улсын хэл) - Мартах учиргүй гэсэн минь аливаа шинэ сэдэв, асуудлыг шинжлэн гүйцэтгэхэд эрдэмтэн хүнд гадаад хэл түшиг болдог гэдгийг дараа үеийн судлагч залуу нөхдөд санамж болгохын үүднээс хэлж буй хэрэг юм. Ч. Дагвадорж. Монголын уран зохиол дэлхийд хаагуур нь явна вэ?., гадаад хэл шинжлэл (хэлний хөгжил, тархалт үүрэгтэй холбоо бүхий угсаатны зүй, түүх, нийгэм, газар зүй болон бусад хүчин зүйлийн цогцыг судалдаг салбар ухаан), гадаадын харьяат (өөр улсын иргэн);
4. Бусад улстай харилцах нь:
гадаад бодлого (гадаад улс оронтой хэрхэн харьцах тухай нарийн боловсруулсан арга, ухаан) -
дэлгэрэнгүй...Ромбу гаригтай харьцах асуудлыг уг нь гадаад бодлого, үндэсний аюулгүй байдлын хүрээнд авч үзэх ёстой юм л даа. Л. Одончимэд. Ромбу гаригийн элчийн эхний айлчлал., гадаад хэлтэс (бусад улстай харилцах нэгж) - Ардын түр засгийн газрын гадаад хэлтсийн дарга байжээ. С.Буяннэмэх. Түүвэр зохиол., гадаад хэргийн яам (гадаад орнуудтай харилцах асуудлыг голлон эрхлэх төрийн захиргааны төв байгууллага);
5. Гадна тал:
гадаад бие (гадна тал),
гадаад хормой (гадаад энгэр),
гадаад энгэр (монгол дээлийн
дэлгэрэнгүй...дотоод энгэрийн дээгүүр давхацсан товч бүхий хэсэг), гадаад хаалга (гадна талын хаалга) - Үймэлдэж байсан хүмүүсийг цөмийг хөөж гаргаад, гадаад хаалгыг нь хоёр нөхрөөрөө харгалзуулав. С.Дашдэндэв. Улаан наран., гадаад дотоод [хоршоо] (а. Дотор гадны аль аль нь; б. Эх орон хийгээд харь гүрэн) - Гадаад дотоод зуун түшмэд зуун түмэн наст хэмээн тэнгэрийн хишигт мөргөв. В.Инжаннаши. Хөх судар., гадаад засгийн монголчууд [түүх] (манж нар ХҮII зууны тэргүүн хагаст өөрийн захиргаанд орогсдыг дотоод засгийн монголчууд, тусгаар тогтнолоо хадгалан үлдсэн элсэн говиос хойших хэсгийг нь гадаад засгийн монголчууд гэж ялгаварлан нэрийдэж байжээ), гадаад мянган [түүх] (Монголын эзэнт гүрний үед янз бүрийн овог аймгаас бүрэлдүүлэн байгуулсан мянгат).
- гадаад байдал - гадаад төлөв, дүр төрх
- гадаад далай - дэлхийн бөмбөрцгийн хуурай газруудыг хүрээлэн тогтсон их ус Номхон далай, Энэтхэгийн далай, Атлантын далай
- гадаад валют - харь орны мөнгөн тэмдэгт
- гадаад худалдаа - барааг гадаадаас импортлон оруулах, гадагш экспортлон гаргах улс хоорондын худалдаа
- гадаад улс - харь гүрэн
- гадаад хэл - харь улсын хэл
- гадаад хэл шинжлэл - хэлний хөгжил, тархалт үүрэгтэй холбоо бүхий угсаатны зүй, түүх, нийгэм, газар зүй болон бусад хүчин зүйлийн цогцыг судалдаг салбар ухаан
- гадаадын харьяат - өөр улсын иргэн
- гадаад бодлого - гадаад улс оронтой хэрхэн харьцах тухай нарийн боловсруулсан арга, ухаан
- гадаад хэлтэс - бусад улстай харилцах нэгж
... үргэлжлүүлэн харах ...- гадаад хэргийн яам - гадаад орнуудтай харилцах асуудлыг голлон эрхлэх төрийн захиргааны төв байгууллага
- гадаад бие - гадна тал
- гадаад хормой - гадаад энгэр
- гадаад энгэр - монгол дээлийн дотоод энгэрийн дээгүүр давхацсан товч бүхий хэсэг
- гадаад хаалга - гадна талын хаалга
- гадаад дотоод - а. Дотор гадны аль аль нь; б. Эх орон хийгээд харь гүрэн
- гадаад засгийн монголчууд - Манж нар ХҮ зууны тэргүүн хагаст өөрийн захиргаанд орогсдыг дотоод засгийн монголчууд, тусгаар тогтнолоо хадгалан үлдсэн элсэн говиос хойших хэсгийг нь гадаад засгийн монголчууд гэж ялгаварлан нэрийдэж байжээ.
- гадаад мянган - Монголын эзэнт гүрний үед янз бүрийн овог аймгаас бүрэлдүүлэн байгуулсан мянгат
