1. Аливаа юмны тоо хэмжээ, чанар харилцан ижил тэнцүү байх нь: адил байх (ижил байх),дэлгэрэнгүй... адил болох (ижил болох), адил жинтэй (тэнцүү жинтэй), адил үзэгдэх (ижил үзэгдэх), адил харагдах (ижил харагдах), адил шахам (бараг ижил) - Жолоочийг нь одоогийн огторгуйн нисэгч ирсэнтэй адил шахам үздэг байлаа. С.Удвал. Та бид уулзана., адил талт гурвалжин [геометр] (бүх талын урт тэнцүү, дотоод өнцөг нь 60 хэмтэй тэнцэх гурвалжин), адил хажуут гурвалжин [геометр] (хоёр талын урт тэнцүү гурвалжин), адил тэгш [хоршоо] (а. Тоо хэмжээ, чанар ижил; б. Эрх тэгш);
2. Юмсын гадаад байдал, өнгө зүс маш ойр төстэй, ижил -
Бат ажиглавал сүүлийн хоёр захидал адил бичигтэй тул нэг хүн бичсэн байна гэж мэдэв. дэлгэрэнгүй...Ц.Дамдинсүрэн. Түүвэр зохиол., адил царайтай (төстэй царайтай), адил зүстэй (ижил зүстэй), адил утгатай үг (нэг зүйлийг хоёр өөрөөр нэрлэсэн нь), ахтайгаа адил (ахтайгаа зүс царай, бие бялдар ижил), нэг адил (олон юмны өнгө зүс, дүр төрх ижил байх нь), яг адил (маш төстэй, маш ойр), ав адил (ив ижил), *адилдаа адил, годилдоо годил (үр дүн нь ижил тэнцүү, ялгаагүй гэсэн санаа);
3. Ойролцоо, шиг, мэт -
дэлгэрэнгүй... Тоншин хаяад цонхоор үзэх нь надтай нэгийг сэтгэсэн адил, намайг үзэн хашхиран дуудах нь нисэн одъё гэж дуудах адил. Д.Нацагдорж. Зохиолууд;
4. Хэвээр:
нэгэн адилаар (нэгэн хэвээр) -
дэлгэрэнгүй...Д.Равжаагийн төвөд хэлээр бичсэн шүлгүүд нь монгол шүлгийнх нь нэгэн адилаар шим шүүс бүрдсэн байдаг. Ш.Сүрэнжав. Сэтгэлийн сэржим., урьдын адилаар (урьдын хэвээр).
