БУУДАХ  

1. Бууны гохыг дарж, дарийг тэслэн сумыг гаргах: буу буудах (бууны гох дарах, буудах), дэлгэрэнгүй...бай буудах (бай онох), мэргэн буудах (алдалгүй онох) - Бат эмч хоёр маш мэргэн буудаж, бараг л сум тоолж байв. Ч.Лодойдамба. Тунгалаг Тамир., нам буудах (амин газар нь буудаж алах), хий буудах (агаарт буудах) - Тэгэхээр та нарыг бүслэн аваад тэд алахыг хичээхгүй хий буудан амьд барихыг бодно. Ц.Уламбаяр. Зовлон жаргал., *нэг сумаар хоёр туулай буудах (нэг ажлын хажуугаар нөгөөг амжуулах, ажлаа давхар амжуулах гэсэн санаа);

---

2. [шилжсэн] Онох, тааруулах: хоол буудах (айлын хоолоо хийж байх үеийг зориуд тааруулж орох) дэлгэрэнгүй...- Бас морь сайтай л хүн хоол болж байхад бууддаг гэдэг байхаа. Б.Бааст. Гэнэн хонгор цаг., цай буудах (айлын цай чанаж байхад нь тааруулж очих) - ...хамгаас түрүүнд тооноор нь утаа гарсан айлын цайг үргэлж бууддагийг хавь ойрын айлууд нь цөм мэддэг билээ. Ч.Лодойдамба. Малгайтай чоно.

---

• буу буудах - бууны гох дарах, буудах
• бай буудах - бай онох
• мэргэн буудах - алдалгүй онох
• нам буудах - амин газар нь буудаж алах
• хий буудах - агаарт буудах
• нэг сумаар хоёр туулай буудах - нэг ажлын хажуугаар нөгөөг амжуулах, ажлаа давхар амжуулах гэсэн санаа
• хоол буудах - айлын хоолоо хийж байх үеийг зориуд тааруулж орох
• цай буудах - айлын цай чанаж байхад нь тааруулж очих

Холбогдох зураг одоогоор алга байна.