1. Бодох үйлийн нэр: санал бодол [хоршоо] (санаж бодож буй зүйл);
2. Хүний оюун санааны эргэцүүлэл:
бодол болох (аливаа зүйлийн учир начир, арга замыг оюун санаандаа эргэцүүлэн тунгаах),
дэлгэрэнгүй...бодол мухардах (санаа эргэцүүлэл шийдэл үр дүнгүй байх), бодол орох (а. Ямар нэгэн санаа зорилт үүсэх; б. Бодол төрөх - Хийж үзье гэсэн бодол оров. Ц.Норжин. Монгол хэлний толь), бодол сарних (санаж бодож байсан зүйлээ мартаж өөр зүйлд анхаарах), бодол төрөх (санаа олох, бодол орох), бодол төөрөх (бодлоосоо огт өөр бодолд шилжих), бодолд автах (нэг юмыг гүн эргэцүүлэн санаашрах, бодсоор байх), бодолд орох (гүн эргэцүүлэлд автах, хаширлах), бодолд хөтлөгдөх (санаа лавшрах), бодлоос гарах (бодогдохоо болих), таагүй бодол (сэтгэлд нийцгүй бодол), бодол гунил [хоршоо] (бодсон гуньсан байдал) - Харшийн дотор удаан бодол гунил болжээ. Чехийн эртний домог., бодол санаа ~ санаа бодол [хоршоо] (бодож сэтгэж буй зүйл) - Боодолтой юмыг авч үзээд бодол санаа мухардсан төлөвтэй байж гэнэ. Монгол ардын домог үлгэр., бодол санал [хоршоо] (санаж бодож буй зүйл) - Бор зүрх нь булгилаад бодол санал алдагдаад... Монгол ардын тууль., бодол сэтгэл [хоршоо] (ухаан бодол, санаа сэтгэл), бодол хүсэл [хоршоо] (хувь хүний санаа, мөрөөдөл), зөн бодол [хоршоо] (ирээдүйн тухай төсөөлөл), оюун бодол [хоршоо] (ухаан) - Хатанбаатар ван ардын намын албат нь болсон гэдгийг сонссоноос эхлэн оюун бодол нь эрс өөр болжээ. Ч.Лодойдамба. Тунгалаг Тамир., ухаан бодол [хоршоо] (хүний ухаж мэдэрсэн санаа бодол), үзэл бодол [хоршоо] (төлөвшин тогтсон санаа), бухыг барьж болно, бодлыг барьж болохгүй [зүйр цэцэн үг] (хүний бодож санаж байгааг мэдэхэд бэрх буюу хийсвэр гэсэн санаа).
