1. Хэлбэр байдал, хэв маяг, овор дүр: янз бүрийн (хэлбэр дүрс, хэв байдал төрөл бүрийн), дэлгэрэнгүй...янз орох (а. Ямар нэгэн байдал бий болох; б. Байдал нь сайжрах), муудах янз орох (муудсан байдал бий болох), олон янзын (олон төрлийн хэлбэр дүрс, хэв байдал бүхий), янз байдал [хоршоо] (байдал төрх, хэв маяг) - Ядрах янз байдлыг илэрхий үзэх хэрэгтэй. Замлин Сэнчиний намтар оршив., янз дүрэм [хоршоо] (хэв маяг, дүрэм журам) - Үс самнах янз дүрэм гарган хожгор толгойгоо хойш урагш хэд хэдэнтээ маажиж амрав. Ардын аман зохиолын эмхэтгэл., янз зохис [хоршоо] (хэлбэр үзэмж) - Янз зохисыг үзэж яахин дайлалдахыг өөрөө мэд. Замлин Сэнчиний намтар оршив., янз маяг [хоршоо] (хэлбэр донж) - Гэрийн янз маяг хол газраас үзэхүйд бөмбөг уул шиг үзэгдмүй. А.Дашням. Хүрэндэлтийн хүүхэн., үзэмж янз [хоршоо] (юмны хэлбэр маяг), үлгэр янз [хоршоо] (дээл хувцасны загвар), янз хэлбэр [хоршоо] (хэлбэр байдал), янз шинж [хоршоо] (байдал төрх) - Янз шинж нь бүрдсэн чанар нь хүлэг билээ зээ. Монгол ардын уртын дуу., янз ягаа [хоршоо] (хэлбэр дүрс) - Эрвэгэр сэрвэгэр янз ягаа гарган хээлсэн багана тулгуур байна. Б.Ринчен. Гүнж;
2. Юмны үзэмж, гаднах гоёл чимэглэл, хээ:
байшингийн янз (байшингийн гоёл чимэглэл),
цонхны янз (цонхны чимэглэл),
дэлгэрэнгүй...хаалганы янз (гоёл чимэглэл), янз гоёл [хоршоо] (үзэмж чимэг), янз чимэг [хоршоо] (чимэг гоёл);
3. Хүний зан төрх, шинж төлөв -
дэлгэрэнгүй... Дандарын тэвчээргүй, тачаангуй байдлыг дооглосон янзаар инээх зуураа Долгорыг ширтэхэд бүсгүйн царай минчийн чихээ хүртэл улайв. С.Лочин. Газрын дуун., янз гаргах (а. Бусдад муу зан ааш гаргах; б. Юманд хээ хуар, зурж, хэлбэр янз оруулах), янзыг нь үзэх (бусдын санаа бодлыг мэдэхээр хөндөж турших), янзын зан гаргах (таагүй, эвгүй зан ааш гаргах) - Дугар ер нь ямар янзын зан гаргадаг хүн бэ? Н.Банзрагч. Зам;
4. Хэвийн байдал:
өвчний байдал янзандаа байх (өвчний байдал сайжрах ч үгүй, муудах ч үгүй хэвэндээ байх),
дэлгэрэнгүй...хуучин янзандаа (хуучин байдалдаа);
5. Сонин хачин:
янзын амьтан (сонин, хачин амьтан), янзын юм (хачин юм),
янзын юм сонсогдох (хачин юм сонсогдох),
дэлгэрэнгүй...янз янзын юм үзэх (хачин сонин юм үзэх);
6. Төрөл зүйл:
янз янзын амьтан (төрөл бүрийн амьтан).
Ижил үг